ຄວາມເປັນມາ

         ເນື່ອງຈາກ ລະບົບການຄຸ້ມຄອງສິ່ງແວດລ້ອມ ແລະ ຄວບຄຸມມົນລະພິດທີ່ຈັດຕັ້ງປະຕິບັດພາຍໃນເຂດເສດຖະກິດພິເສດ ແຂວງສະຫວັນນະເຂດ (ຂສພ. ສຂ) ໂດຍ ໜ່ວຍຄຸ້ມຄອງສິ່ງແວດລ້ອມ ແລະ ຄວບຄຸມມົນລະພິດ, ເຂດເສດຖະກິດພິເສດ ແຂວງ ສະຫວັນນະເຂດ ເຊິ່ງເປັນຜູ້ບຸກເບີກການໃຫ້ບໍລິການຈັດການສິ່ງເສດເຫຼືອພາຍໃນ ສປປ.ລາວ ດ້ວຍເຕັກນິກການເຜົາຮ່ວມໃນຂະບວນການຜະລິດປູນຊີມັງ (Co-Processing of Cement Kiln) ແລະ ນຳໃຊ້ເອກະສານຕິດຕາມການຂົນສົ່ງສິ່ງເສດເຫຼືອ (Waste Manifest) ສາມາດແກ້ບັນຫາການກໍາຈັດສິ່ງເສດເຫຼືອອຸດສາຫະກຳ ໂດຍສະເພາະປະເພດເປັນພິດອັນຕະລາຍໄດ້ ພ້ອມທັງຍົກສູງລະບົບການຄຸ້ມຄອງ ແລະ ຕິດຕາມກວດກາສິ່ງເສດເຫຼືອພາຍໃນ ສປປ.ລາວ.

   ດັ່ງນັ້ນ, ເພື່ອເປັນການສ້າງຄວາມເຂັ້ມແຂງດ້ານວິຊາການ ແລະ ແລກປ່ຽນຂໍ້ມູນຕ່າງໆທີ່ກ່ຽວພັນກັບການຄຸ້ມຄອງສິ່ງແວດລ້ອມ. ຄະນະວິທະຍາສາດສິ່ງແວດລ້ອມ (ຄສວ), ມະຫາວິທະຍາໄລແຫ່ງຊາດ (ມຊ) ຈື່ງໄດ້ເຮັດ ບົດບັນທຶກຄວາມເຂົ້າໃຈ ຮ່ວມກັບ ເຂດເສດຖະກິດພິເສດ ແຂວງສະຫວັນນະເຂດ (ຂສພ. ສຂ) ພາຍໃນວັນທີ 4 ທັນວາ 2020.

       ໂດຍອິງໃສ່ບົດບັນທຶກຄວາມຮ່ວມມືດັ່ງກ່າວ ໃນວັນທີ 13 ກັນຍາ 2021 ຄະນະວິທະຍາສາດສິ່ງແວດລ້ອມ (ຄສວ) ກໍ່ໄດ້ສ້າງຕັ້ງ “ສູນວິຊາການດ້ານການຈັດການສິ່ງແວດລ້ອມ” ຂຽນເປັນພາສາອັງກິດວ່າ “Environmental Management Academic Center” ມີຊື່ຫຍໍ້ວ່າ “EMAC” ເພື່ອ:

ແຜນວາດລວມຄວາມເປັນມາ

2020

ບົດບັນທຶກຄວາມເຂົ້າໃຈ ວ່າດ້ວຍການຮ່ວມມືທາງດ້ານວິຊາການ ແລະ ການແລກປ່ຽນຂໍ້ມູນຕ່າງໆ ລະຫວ່າງ ຄະນະວິທະຍາສາດສິ່ງແວດລ້ອມ (ຄສວ) ແລະ ເຂດເສດຖະກິດພິເສດ ແຂວງ ສະຫວັນນະເຂດ (ຂສພ.ສຂ)

2021

ບົດບັນທຶກຄວາມເຂົ້າໃຈ ວ່າດ້ວຍການຮ່ວມມືທາງດ້ານວິຊາການ ແລະ ການແລກປ່ຽນຂໍ້ມູນຕ່າງໆ ລະຫວ່າງ ຄະນະວິທະຍາສາດສິ່ງແວດລ້ອມ (ຄສວ) ແລະ ເຂດເສດຖະກິດພິເສດ ແຂວງ ສະຫວັນນະເຂດ (ຂສພ.ສຂ)

18 ພະຈິກ 2021ບົດບັນທຶກຄວາມເຂົ້າໃຈ ວ່າດ້ວຍການຮ່ວມມືທາງດ້ານວິຊາການ ແລະ ການແລກປ່ຽນຂໍ້ມູນຕ່າງໆ ລະຫວ່າງ ຄະນະ ວິທະຍາສາດສິ່ງແວດລ້ອມ (ຄສວ) ແລະ ກົມຄວບຄຸມ ແລະ ຕິດຕາມກວດກາມົນລະພິດ (ກຄມ)

ບົດບັນທຶກຄວາມເຂົ້າໃຈ ວ່າດ້ວຍການຮ່ວມມືທາງດ້ານວິຊາການ ແລະ ການແລກປ່ຽນຂໍ້ມູນຕ່າງໆ ລະຫວ່າງ ຄະນະ ວິທະຍາສາດສິ່ງແວດລ້ອມ (ຄສວ) ແລະ ເຂດເສດຖະກິດພິເສດ ແຂວງຈໍາປາສັກ (ຂສພ.ຈສ)

2022

ບົດບັນທຶກການຮ່ວມມື ວ່າດ້ວຍການຮ່ວມມືທາງດ້ານວິຊາການ ແລະ ການແລກປ່ຽນຂໍ້ມູນຕ່າງໆ ລະຫວ່າງ ກົມກວດກາຊັບພະຍາກອນທໍາມະຊາດ ແລະ ສິ່ງແວດລ້ອມ (ກຊສ) ແລະ ຄະນະວິທະຍາສາດສິ່ງແວດລ້ອມ (ຄສວ)

ບົດບັນທຶກການຮ່ວມມື ລະຫວ່າງ ສູນວິຊາການດ້ານການຈັດການສິ່ງແວດລ້ອມ (EMAC), Savan EMC CO.,Ltd ແລະ Kayama Kogyo Corporation

ບົດບັນທຶກການຮ່ວມມືກ່ຽວກັບການຈັດການສິ່ງເສດເຫຼືອ ແລະ ສິ່ງແວດລ້ອມຈາກໂຮງງານອຸດສາຫະກໍາ ລະຫວ່າງ ກົມອຸດສາຫະກຳ ແລະ ຫັດຖະກໍາ (ກອຫ) ແລະ ຄະນະວິທະຍາສາດສິ່ງແວດລ້ອມ (ຄສວ)

2023

ບົດບັນທຶກຄວາມຮ່ວມມື ການພັດທະນາອຸດສາຫະກໍາລີໄຊເຄິ້ນ ແລະ ຊັບພະຍາກອນໝຸນວຽນ ເພື່ອການຈັດການສິ່ງເສດເຫຼືອຂອງ ສປປ ລາວ.

ຈຸດປະສົງ

ເປັນແຫຼ່ງຂໍ້ມູນແບບທັນສະໄໝ (Environmental e-Library) ເປັນຫ້ອງສະໝຸດອອນໄລທີ່ເກັບເອກະສານ, ຂໍ້ມູນຄວາມຮູ້ທີ່ສຳຄັນ ແລະ ເປັນປະໂຫຍດໃນການຄົ້ນຄວ້າວິໄຈ ເພື່ອເປັນບ່ອນອິງໃນການຈັດຕັ້ງປະຕິບັດຕ່າງໆດ້ານການຈັດການສິ່ງແວດລ້ອມ;

ເປັນສູນລວມການຮຽນຮູ້ຜ່ານສື່ເອເລັກໂຕນິກ ແລະ ສູນຝຶກອົບຮົມສຳມະນາ (e-learning & Training Center) ດ້ານການຈັດການສິ່ງແວດລ້ອມ ແລະ ມົນລະພິດຂອງພາກອຸດສາຫະກຳ;

ເປັນສູນສະໜັບສະໜຸນການຄຸ້ມຄອງ ແລະ ຕິດຕາມກວດກາມົນລະພິດສິ່ງແວດລ້ອມ (Pollution monitoring and management support) ພ້ອມໃຫ້ຄຳແນະນຳກ່ຽວກັບການຄຸ້ມຄອງມົນລະພິດສິ່ງແວດລ້ອມໃຫ້ແກ່ບັນດາອົງການຈັດຕັ້ງຕ່າງໆ ທັງພາກລັດ ແລະ ພາກເອກະຊົນ;

ເປັນສູນຮວບຮວມເກັບຂໍ້ມູນ ແລະ ສະຖິຕິກ່ຽວກັບການຄຸ້ມຄອງສິ່ງແວດລ້ອມ ແລະ ຄວບຄຸມມົນລະພິດ (Environmental management Pollution Control Data Bank) ເພື່ອຕິດຕາມກວດກາມົນລະພິດສິ່ງແວດລ້ອມທີ່ເກີດຂື້ນພາຍໃນ ສປປ ລາວ ແລະ ສະໜອງຂໍ້ມູນສະຖິຕິດັ່ງກ່າວໃຫ້ໜ່ວຍງານທີ່ກ່ຽວຂ້ອງ;

ເປັນສູນຄົ້ນຄວ້າ, ວິໄຈ ແລະ ແກ້ໄຂບັນຫາສິ່ງແວດລ້ອມ (Research & Solution) ພ້ອມທັງສ້າງແບບແຜນການຈັດຕັ້ງປະຕິບັດວຽກງານຄຸ້ມຄອງສິ່ງແວດລ້ອມໃນ ສປປ ລາວ ໃຫ້ສອດຄ່ອງກັບມາດຕະຖານລະດັບສາກົນ;

ເປັນຈຸດເຊື່ອມຕໍ່ປະສານງານຄວາມຮ່ວມມື ແລະ ຮອງຮັບການສະໜັບສະໜຸນຈາກອົງການຈັດຕັ້ງພາຍໃນ ແລະ ຕ່າງປະເທດຕາມວັດຖຸປະສົງຂອງສູນ.

ພາລະບົດບາດ

  • 1. ພົວພັນ ແລະ ປະສານສົມທົບກັບຫ້ອງການ, ສູນ, ຄະນະວິຊາ, ສະຖາບັນ ແລະ ກະຊວງ ເພື່ອເກັບກຳຂໍ້ມູນວິຊາການມາສັງລວມ ແລະ ສ້າງເປັນຫ້ອງສະໝຸດເອເລັກໂຕຣນິກດ້ານການຄຸ້ມຄອງສິ່ງແວດລ້ອມ

  • 4. ຄົ້ນຄວ້າ, ວິໄຈ ແລະ ພັດທະນາສະຖານີຕົ້ນແບບໃນວຽກງານຄຸ້ມຄອງສິ່ງແວດລ້ອມ ແລະ ຄວບຄຸມມົນລະພິດ

  • 7. ພົວພັນກັບພາຍໃນ ແລະ ຕ່າງປະເທດ ທີ່ໃຫ້ການສະໜັບສະໜູນ ແລະ ຮ່ວມມືໃນການຄົ້ນຄວ້າ-ວິໄຈ

  • 2. ສ້າງແຜນ ແລະ ດຳເນີນການຫຼັກສູດການຝຶກອົບຮົມສຳມະນາວິຊາການກ່ຽວກັບ ການຄຸ້ມຄອງສິ່ງເສດເຫຼືອ, ມົນລະພິດທາງນ້ຳ, ມົນລະພິດທາງອາກາດ ແລະ ສະພາບແວດລ້ອມໃນການເຮັດວຽກ ລວມເຖິງລະບົບຄຸ້ມຄອງສິ່ງແວດລ້ອມພາຍໃນໂຮງງານອຸດສາຫະກຳ

  • 5. ຄົ້ນຄວ້າ, ວິໄຈ ແລະ ແກ້ໄຂບັນຫາສິ່ງແວດລ້ອມ ຕາມການສະເໜີຂອງພາກສ່ວນທີ່ກ່ຽວຂ້ອງ

  • 8. ກວດກາ ແລະ ຄຸ້ມຄອງການດຳເນີນງານການຄົ້ນຄວ້າວິໄຈ ທີ່ຮັບທຶນພາຍໃນ ແລະ ຕ່າງປະເທດ

  • 3. ຕິດຕາມກວດກາມົນລະພິດສິ່ງແວດລ້ອມ ແລະ ໃຫ້ຄຳປຶກສາດ້ານການຄຸ້ມຄອງສິ່ງແວດລ້ອມ ແລະ ຄວບຄຸມມົນລະພິດ ຕາມການສະເໜີຂອງພາກສ່ວນທີ່ກ່ຽວຂ້ອງ

  • 6. ພັດທະນາລະບົບຖານຂໍ້ມູນ ແລະ ເກັບກຳຂໍ້ມູນ-ສະຖິຕິກ່ຽວກັບການຕິດຕາມກວດກາມົນລະພິດສິ່ງແວດລ້ອມ ຂອງໂຮງງານອຸດສາຫະກຳທີ່ເຂົ້າຮ່ວມໂຄງການຂອງສູນ ແລະ ສະໜອງຂໍ້ມູນດັ່ງກ່າວໃຫ້ແກ່ກະຊວງ ແລະ ອົງການຈັດຕັ້ງທີ່ກ່ຽວຂ້ອງ;

  • 9. ນຳໃຊ້ສິດ ແລະ ປະຕິບັດໜ້າທີ່ອື່ນໆ ຕາມນິຕິກຳ ແລະ ລະບຽບການຂອງລັດທີ່ໄດ້ວາງອອກ.

ປັດຊະຍາ

ວິໄສທັດ