archives

Author: admin_emac

ມາດຕະຖານຄວບຄຸມມົນລະພິດທາງນ້ຳຈາກສຳນັກງານ, ຫ້ອງການ

admin_emac Leave a comment ຂໍ້ມູນວິຊາການ, ມາດຕະຖານສິ່ງແວດລ້ອມ ແລະ ການຕິດຕາມກວດກາ

ມາດຕະຖານຄວບຄຸມມົນລະພິດທາງນ້ຳຈາກສຳນັກງານ, ຫ້ອງການ ມາດຕະຖານຄວບຄຸມມົນລະພິດທາງນ້ຳ ແມ່ນຄ່າກຳນົດລະດັບຄວາມເຂັ້ມຂຸ້ນສູງສຸດຂອງທາດເຄມີ ແລະ ສິ່ງເຈືອປົນໃນນ້ຳເປື້ອນ ທີ່ຜ່ານຂະບວນການບຳບັດ ແລະ ການເຈືອຈາງ (Dilution) ອອກສູ່ແຫຼ່ງນ້ຳສາທາລະນະ ຫຼື ແຫຼ່ງນ້ຳທຳມະຊາດ ແລະ ເພື່ອຮັບປະກັນບໍ່ເຮັດໃຫ້ເກີດອັນຕະລາຍ ແລະ ສົ່ງຜົນກະທົບຕໍ່ຊີວິດ, ສຸຂະພາບຂອງຄົນ, ສັດ ແລະ ສິ່ງແວດລ້ອມ ຕາມຄ່າມາດຕະຖານສິ່ງແວດລ້ອມແຫ່ງຊາດ ສະບັບເລກທີ 0832/ກຊສ, ລົງວັນທີ 7 ກຸມພາ 2017. ໂດຍມາດຕະຖານຄວບຄຸມມົນລະພິດທາງນ້ຳຈາກສຳນັກງານ, ຫ້ອງການ ຈະຂື້ນກັບຂະໜາດຂອງອາຄານໂດຍແບ່ງອອກເປັນ 3 ຂະໜາດດັ່ງນີ້ A: ສຳັນກງານ, ຫ້ອງການທີ່ມີເນື້ອທີ່ 55,000 ຕາລາງແມັດ ຫຼື ຫຼາຍກວ່າ B: ສຳັນກງານ, ຫ້ອງການທີ່ມີເນື້ອທີ່ 10,000 ຕາລາງແມັດ ແຕ່ບໍ່ເກີນ 55,000 ຕາລາງແມັດ  C: ສຳັນກງານ, ຫ້ອງການທີ່ມີເນື້ອທີ່ 5,000 ຕາລາງແມັດ ແຕ່ບໍ່ເກີນ 10,000 ຕາລາງແມັດ  A ≥ 55,000 m² B : 10,000 m² – 55,000 m² C : 5,000 m² – 10,000 m² A ≥ 55,000 m² ລຳດັບ ໂຕວັດແທກ ສັນຍາລັກ ຄ່າມາດຕະຖານ ຫົວໜ່ວຍ ວິທີວິເຄາະ 1 ຄ່າຄວາມເປັນກົດ-ດ່າງpotential of Hydrogen pH 5.5 – 8.5 – pH Meter 2 ບີໂອດີBiological Oxygen Demand 5 Days BOD5 20 mg/L Azide Modification at 20°C, 5 days 3 ທາດແຂງແຂວນລອຍ Total Suspended Solid TSS 30 mg/L Glass Fiber Filter Disc 4 ຕະກອນຈົມ Sediment Solid SS 0.5 mg/L Imhoff Cone 1,000 cm³, 1 Hour 5 ທາດແຂງລະລາຍໃນນ້ຳ Total Dissolved Solid TDS 500 mg/L Dry Evaporation 103-105 °C, 1 Hour 6 ຊັລໄຟດ໌ Sulfide S² 1.0 mg/L Titration 7 ໄນໂຕຣເຈນ Nitrogen TKN 35 mg/L Kjeldahor colormetric 8 ໄຂມັນ ແລະ ນ້ຳມັນ Fat, Oil and Grease FOG 20 mg/L Solvent Extraction By Weight B : 10,000 m² – 55,000 m² ລຳດັບ ໂຕວັດແທກ ສັນຍາລັກ ຄ່າມາດຕະຖານ ຫົວໜ່ວຍ ວິທີວິເຄາະ 1 ຄ່າຄວາມເປັນກົດ-ດ່າງpotential of Hydrogen pH 5.5 – 8.5 – pH Meter 2 ບີໂອດີBiological Oxygen Demand 5 Days BOD5 30 mg/L Azide Modification at 20°C, 5 days 3 ທາດແຂງແຂວນລອຍ Total Suspended Solid TSS 40 mg/L Glass Fiber Filter Disc 4 ຕະກອນຈົມ Sediment Solid SS 0.5 mg/L Imhoff Cone 1,000 cm³, 1 Hour 5 ທາດແຂງລະລາຍໃນນ້ຳ Total Dissolved Solid TDS 500 mg/L Dry Evaporation 103-105 °C, 1 Hour 6 ຊັລໄຟດ໌ Sulfide S² 1.0 mg/L Titration 7 ໄນໂຕຣເຈນ Nitrogen TKN 35 mg/L Kjeldahor colormetric 8 ໄຂມັນ ແລະ ນ້ຳມັນ Fat, Oil and Grease FOG 20 mg/L Solvent Extraction By Weight C : 5,000 m² – 10,000 m² ລຳດັບ ໂຕວັດແທກ ສັນຍາລັກ ຄ່າມາດຕະຖານ ຫົວໜ່ວຍ ວິທີວິເຄາະ 1 ຄ່າຄວາມເປັນກົດ-ດ່າງpotential of Hydrogen pH 5.5 – 8.5 – pH Meter 2 ບີໂອດີBiological Oxygen Demand 5 Days BOD5 40 mg/L Azide Modification at 20°C, 5 days 3 ທາດແຂງແຂວນລອຍ Total Suspended Solid TSS 50 mg/L Glass Fiber Filter Disc 4 ຕະກອນຈົມ Sediment Solid SS 0.5 mg/L Imhoff Cone 1,000 cm³, 1 Hour 5 ທາດແຂງລະລາຍໃນນ້ຳ Total Dissolved Solid TDS 500 mg/L Dry Evaporation 103-105 °C, 1 Hour 6 ຊັລໄຟດ໌ Sulfide S² 3.0 mg/L Titration 7 ໄນໂຕຣເຈນ Nitrogen TKN 40 mg/L Kjeldahor colormetric 8 ໄຂມັນ ແລະ ນ້ຳມັນ Fat, Oil and Grease FOG 20 mg/L Solvent Extraction By Weight ອ້າງອີງຈາກ:           ຂໍ້ຕົກລົງ ວ່າດ້ວຍມາດຕະຖານສິ່ງແວດລ້ອມແຫ່ງຊາດ ເລກທີ 0832/ກຊສ download

Continue Reading  

ມາດຕະຖານຄວບຄຸມມົນລະພິດທາງນ້ຳຈາກໂຮງງານທົ່ວໄປ

admin_emac Leave a comment ຂໍ້ມູນວິຊາການ, ມາດຕະຖານສິ່ງແວດລ້ອມ ແລະ ການຕິດຕາມກວດກາ

ມາດຕະຖານຄວບຄຸມທາງນ້ຳຈາກໂຮງງານ ມາດຕະຖານຄວບຄຸມມົນລະພິດທາງນ້ຳ ແມ່ນຄ່າກຳນົດລະດັບຄວາມເຂັ້ມຂຸ້ນສູງສຸດຂອງທາດເຄມີ ແລະ ສິ່ງເຈືອປົນໃນນ້ຳເປື້ອນ ທີ່ຜ່ານຂະບວນການບຳບັດ ແລະ ການເຈືອຈາງ (Dilution) ອອກສູ່ແຫຼ່ງນ້ຳສາທາລະນະ ຫຼື ແຫຼ່ງນ້ຳທຳມະຊາດ ແລະ ເພື່ອຮັບປະກັນບໍ່ເຮັດໃຫ້ເກີດອັນຕະລາຍ ແລະ ສົ່ງຜົນກະທົບຕໍ່ຊີວິດ, ສຸຂະພາບຂອງຄົນ, ສັດ ແລະ ສິ່ງແວດລ້ອມ ຕາມຄ່າມາດຕະຖານສິ່ງແວດລ້ອມແຫ່ງຊາດ ສະບັບເລກທີ 0832/ກຊສ, ລົງວັນທີ 7 ກຸມພາ 2017 ກຳນົດໄວ້ດັ່ງນີ້: ຕາຕະລາງທີ 14: ມາດຕະຖານຄວບຄຸມມົນລະພິດທາງນ້ຳ ຈາກໂຮງງານທົ່ວໄປ ຕາຕະລາງທີ 14.5: ມາດຕະຖານຄວບຄຸມມົນລະພິດທາງນ້ຳ ລົງສູ່ຮ່ອງນ້ຳສາທາລະນະ Table 14 Table 14.5 Table 14 ລຳດັບ ໂຕວັດແທກ ສັນຍາລັກ ຄ່າມາດຕະຖານທີ່ອະນຸຍາດໃຫ້ ຫົວໜ່ວຍ ວິທີວິເຄາະ 1 ຄ່າຄວາມເປັນກົດ-ດ່າງpotential of Hydrogen pH 6 – 8.5 – pH Meter 2 ທາດແຂງລະລາຍໃນນ້ຳTotal Dissolved Solid TDS ບໍ່ໃຫ້ເກີນ 2,500 mg/L ຂື້ນກັບ ປະເພດຂອງອຸດສາຫະກຳ ແລະ ແຫຼ່ງຮັບນ້ຳ ແຕ່ບໍ່ໃຫ້ເກີນ 5,000 mg/L mg/L Dry evaporation at temperature 103-105 °C, 1 hour 3 ທາດແຂງແຂວນລອຍ Total Suspended Solid TSS ບໍ່ໃຫ້ເກີນ 50 mg/L ຂື້ນກັບ ປະເພດຂອງອຸດສາຫະກຳ ແລະ ແຫຼ່ງຮັບນ້ຳ ແຕ່ບໍ່ໃຫ້ເກີນ 150 mg/L mg/L Glass Fiber Filter Disc 4 ອຸນຫະພູມ Temperature  t ບໍ່ໃຫ້ເກີນ 40 °C Temperature Meter  5 ສີ ແລະ ກິ່ນColor and Odor  – ຕ້ອງບໍ່ປະກົດ – General 6 ໄຮໂດຣເຈນຊັລໄຟດ໌Hydrogen Sulfide H2S ບໍ່ໃຫ້ເກີນ 1.0 mg/L Titration 7 ໄຊຍາໄນດ໌Cyanide CN- ບໍ່ໃຫ້ເກີນ 0.2 mg/L Distillation and Pyridine Barbituric Acid 8 ນ້ຳມັນ ແລະ ໄຂມັນFat, Oil and Grease FOG ບໍ່ໃຫ້ເກີນ 5.0 mg/L ຂື້ນກັບ ປະເພດຂອງອຸດສາຫະກຳ ແລະ ແຫຼ່ງຮັບນ້ຳ ແຕ່ບໍ່ໃຫ້ເກີນ 15.0 mg/L mg/L Solvent Extraction by Weight 9 ຟໍມານດີໄຮດ໌ Formaldehyde CH2O ບໍ່ໃຫ້ເກີນ 1.0 mg/L Spectrophotometry 10 ເຟໂນລPhenol  C6H5OH ບໍ່ໃຫ້ເກີນ 1.0 mg/L Distillation and Aminoantipyrine Method 4 11 ຄຼໍລີນChlorine Cl- ບໍ່ໃຫ້ເກີນ 1.0 mg/L Lodometric Method 12 ຢາປາບສັດຕູພືດPesticide – ຕ້ອງບໍ່ໃຫ້ມີ mg/L GC 13 ບີໂອດີBiological Oxygen Demand 5 Days BOD5 ບໍ່ໃຫ້ເກີນ 30 mg/L ຂື້ນກັບ ປະເພດຂອງອຸດສາຫະກຳ ແລະ ແຫຼ່ງຮັບນ້ຳ ແຕ່ບໍ່ໃຫ້ເກີນ 60 mg/L mg/L Azide Modification at 20°C, 5 days 14 ໄນໂຕຣເຈນລວມTotal Nitrogen TKN ບໍ່ໃຫ້ເກີນ 100 mg/L ຂື້ນກັບ ປະເພດຂອງອຸດສາຫະກຳ ແລະ ແຫຼ່ງຮັບນ້ຳ ແຕ່ບໍ່ໃຫ້ເກີນ 200 mg/L mg/L Kjeldahl 15 ຊີໂອດີ Chemical Oxygen Demand  COD ບໍ່ໃຫ້ເກີນ 120 mg/L ຂື້ນກັບ ປະເພດຂອງອຸດສາຫະກຳ ແລະ ແຫຼ່ງຮັບນ້ຳ ແຕ່ບໍ່ໃຫ້ເກີນ 400 mg/L mg/L Potassium Dichromate Digestion; Open Reflux or Closed Reflux 16 ສັງກະສີZinc Zn ບໍ່ໃຫ້ເກີນ 5.0 mg/L AA/AES; ICP 17 ໂຄມຽມ 6 Chromium Hexavalent Cr+6 ບໍ່ໃຫ້ເກີນ 0.25 mg/L AA/AES; ICP 18 ໂຄມຽມ 3Chromium Trivalent Cr+3 ບໍ່ໃຫ້ເກີນ 0.75 mg/L AA/AES; ICP 19 ທອງCopper  Cu ບໍ່ໃຫ້ເກີນ 2.0 mg/L AA/AES; ICP 20 ແຄັດມຽມ Cadmium  Cd ບໍ່ໃຫ້ເກີນ 0.03 mg/L AA/AES; ICP 21 ແບລຽມBarium Ba ບໍ່ໃຫ້ເກີນ 1.0 mg/L AA/AES; ICP 22 ຊືນLead Pb ບໍ່ໃຫ້ເກີນ 0.2 mg/L AA/AES; ICP 23 ນິແກລNickel Ni ບໍ່ໃຫ້ເກີນ 1.0 mg/L AA/AES; ICP 24 ແມັງການິສ Manganese Mn ບໍ່ໃຫ້ເກີນ 5.0 mg/L AA/AES; ICP 25 ອາເຊນິສArsenic  As ບໍ່ໃຫ້ເກີນ 0.25 mg/L AA-Hydride Generation or ICP 26 ເຊເລນຽມSelenium  Se ບໍ່ໃຫ້ເກີນ 0.02 mg/L AA-Hydride Generation or ICP 27 ບາຫຼອດMercury  Hg ບໍ່ໃຫ້ເກີນ 0.005 mg/L AA-Cold Vapour Techique Table 14.5 ລຳດັບ ໂຕວັດແທກ ສັນຍາລັກ ຄ່າມາດຕະຖານທີ່ອະນຸຍາດໃຫ້ ຫົວໜ່ວຍ ວິທີວິເຄາະ 1 ຄ່າຄວາມເປັນກົດ-ດ່າງpotential of Hydrogen pH 5.5 – 8.5 – pH Meter 2 ຄ່າການຊັກນຳໄຟຟ້າElectro-Conductivity Ec 2,000 µS/cm pH Meter 3 ທາດແຂງລະລາຍໃນນ້ຳTotal Dissolved Solid TDS 1,300 mg/L Dry evaporation at 103-105 °C, 1 hour 4 ບີໂອດີBiological Oxygen Demand 5 Days BOD5 30 mg/L Azide Modification at 20°C, 5 days 5 ທາດແຂງແຂວນລອຍ Total Suspended Solid  TSS 30 mg/L Glass Fiber Filter Disc 6 ເພີແມັງກາເນດPer-manganese MnO4 6.0 mg/L Titration 7 ໄຮໂດຣເຈນຊັລໄຟດ໌Hydrogen Sulfide H2S 1.0 mg/L Titration 8 ໄຊຍາໄນດ໌Cyanide CN- 0.2 mg/L Distillation and Pyridine Barbituric Acid 9 ໄຂມັນ ແລະ ນ້ຳມັນFat, Oil and Grease FOG 5.0 mg/L Solvent Extraction by Weight 10 ຟໍມານດີໄຮດ໌ Formaldehyde CH2O 1.0 mg/L Spectrophotometry 11 ເຟໂນລ ແລະ ຄຼີໂຊນPhenol and Cresol  C6H5OH 1.0 mg/L Distillation and Aminoantipyrine Method 4 12 ຄຼໍລີນຕົກຄ້າງResident Chlorine Cl- 1.0 mg/L Lodometric Method 13 ກຳມັນຕະພາບລັງສີ Radioactive – ຕ້ອງບໍ່ມີ mg/L General 14 ສີ ແລະ ກິ່ນColor and Odor – ບໍ່ສັງເກດເຫັນໄດ້ mg/L General 15 ນ້ຳມັນດິນTar – ຕ້ອງບໍ່ມີ mg/L General 16 ສັງກະສີZinc Zn 5.0 mg/L Atomic Absorption (AA) 17 ໂຄຼມຽມChromium Hexavalent Cr+6 0.3 mg/L Atomic Absorption (AA) 18 ອາເຊນິກArsenic As 0.25 mg/L Atomic Absorption (AA) 19 ທອງCopper  Cu 1.0 mg/L Atomic Absorption (AA) 20 ບາຫຼອດMercury Hg 0.005 mg/L Atomic Absorption (AA) 21 ແຄັດມຽມCadmium Cd 0.03 mg/L Atomic Absorption (AA) 22 ບາລຽມBarium Ba 1.0 mg/L Atomic Absorption (AA) 23 ເຊເລນຽມSelenium Se 0.02 mg/L Atomic Absorption (AA) 24 ຊືນ Lead Pb 0.1 mg/L Atomic Absorption (AA) 25 ນິແກລ Nickel  Ni 0.2 mg/L Atomic Absorption (AA) 26 ແມັງການິສManganese  Mn 0.5 mg/L Atomic Absorption (AA)             ອ້າງອີງຈາກ:           ຂໍ້ຕົກລົງ ວ່າດ້ວຍມາດຕະຖານສິ່ງແວດລ້ອມແຫ່ງຊາດ ເລກທີ 0832/ກຊສ download

Continue Reading  

ການບຳບັດນ້ຳເປື້ອນດ້ວຍວິທີທາງກາຍະພາບ

admin_emac Leave a comment ຂໍ້ມູນວິຊາການ, ການຄວບຄຸມມົນລະພິດທາງນ້ຳ

ການບຳບັດນ້ຳເປື້ອນດ້ວຍວິທີທາງກາຍະພາບ ລະບົບບຳບັດທາງກາຍະພາບ ໝາຍເຖິງ ລະບົບບຳບັດທີ່ອາໄສການເຮັດວຽກຂອງການດັກ, ການກອງ, ການໃຊ້ແຮງດຶງດູດຂອງໂລກໃນການຕົກຕະກອນ, ການເຮັດໃຫ້ລອຍຕົວ ເປັນຕົ້ນ ລະບົບບຳບັດທາງກາຍະພາບມີວັດຖຸປະສົງເພື່ອດັກເສດອາຫານ, ເສດຂີ້ເຫຍື້ອຕ່າງໆ ທີ່ຕິດມາກັບນ້ຳເປື້ອນດ້ວຍການໃຊ້ຕາໜ່າງ: ເຮັດການຕົກຕະກອນທາດແຂວນລອຍ ເຊັ່ນ: ເສດອາຫານ, ທາດອົງຄະທາດອື່ນໆ ໂດຍໃຊ້ຖັງຕົກຕະກອນເບື້ອງຕົ້ນ ເພື່ອແຍກທາດທີ່ຕົກຕະກອນໄດ້ອອກຈາກລະບົບບຳບັດກ່ອນ ຫຼື ການໃຊ້ວິທີການລອຍຕົວດ້ວຍອາກາດ (Dissolved Air Flotation: DAF) ເພື່ອເສດເສັ້ນໃຍຈາກນ້ຳເປື້ອນໂຮງງານຍ້ອມຜ້າ ຫຼື ແຍກພວກໄຂມັນ ແລະ ນ້ຳມັນ ຈາກນ້ຳເປື້ອນໂຮງງານປາກະປ໋ອງ ເປັນຕົ້ນ ດັ່ງນັ້ນຈະພົບວ່າລະບົບບຳບັດນ້ຳເປື້ອນທາງກາຍະພາບສ່ວນໃຫຍ່ເປັນຂະບວນການບຳບັດນ້ຳເປື້ອນຂັ້ນຕົ້ນ (Primary Treatment Processes) ຫຼັກການເຮັດວຽກຂອງລະບົບບຳບັດນ້ຳເປື້ອນທາງກາຍະພາບ ລະບົບບຳບັດນ້ຳເປື້ອນທາງກາຍະພາບນິຍົມໃຊ້ເປັນຂະບວນການບຳບັດຂັ້ນຕົ້ນ (Primary Treatment ຫຼື Preliminary Treatment) ໂດຍມີວັດຖຸປະສົງທີ່ຈະຫຼຸດທາດອົງຄະທາດ ແລະ ທາດອະນົງຄະທາດທີ່ຕົກຕະກອນໄດ້ ທາດແຂວນລອຍ ທາດ ຫຼື ເສັ້ນໃຍທີ່ລອຍໂຕ ຫຼື ພວກໄຂມັນ ແລະ ນ້ຳມັນທີ່ຕິດມາກັບນ້ຳເປື້ອນ ລວມເຖິງລະບົບທີ່ເຮັດໜ້າທີ່ໃນການສູບຜ່ານໄປບຳບັດໃນຂະບວນການບຳບັດຂັ້ນຕໍ່ໄປ ຫຼັກການເຮັດວຽກໂດຍຫຍໍ້ມີດັ່ງນີ້: 1. ຕາໜ່າງ (Screen): ລັກສະນະເປັນໂລຫະອຽງ 45-60 ອົງສາ ກັບພື້ນຮ່ອງລະບາຍນ້ຳເປື້ອນ ເພື່ອດັກເສດຂີ້ເຫຍື້ອ, ເສດອາຫານ, ສານແຂວນລອຍທີ່ມີຂະໜາດໃຫຍ່ທີ່ຕິດມາກັບນ້ຳເປື້ອນ ນິຍົມເອົາໄວ້ດ້ານໜ້າຂອງອ່າງຮັບນ້ຳເປື້ອນ (Sump) ເພື່ອປ້ອງກັນວັດຖຸຂະໜາດໃຫຍ່ທີ່ອາດຈະຕິດມາກັບນ້ຳເປື້ອນ ທີ່ອາດຈະສ້າງຄວາມອັນຕະລາຍຕໍ່ເຄື່ອງສູບນ້ຳ (Pump) ໄດ້. 2. ເຄື່ອງຕັດຍ່ອຍ (Comminutor): ມີໜ້າທີ່ຕັດ ແລະ ຍ່ອຍທາດແຂວນລອຍຂະໜາດໃຫຍ່ໃຫ້ນ້ອຍລົງ ຈື່ງນິຍົມໃຊ້ຕໍ່ເນື່ອງກັບຕະໜ່າງ ເຊິ່ງເມື່ອທາດແຂວນລອຍຂະໜາດໃຫຍ່ຖືກຕັດ ແລະ ຍ່ອຍໃຫ້ນ້ອຍລົງ ຈະບໍ່ເປັນອັນຕະລາຍຕໍ່ການເຮັດວຽກຂອງໃບພັດຂອງເຄື່ອງສູບນ້ຳ. 3. ເຄື່ອງດັກຊາຍ (Grit Chamber): ມີໜ້າທີ່ດັກຊາຍໃຫ້ຕົກຕະກອນໃນຖັງນີ້ ໂດຍປ່ອຍໃຫ້ທາດອົງຄະທາດເຊິ່ງມີຄວາມໄວໃນການຕົກຕະກອນໜ້ອຍກວ່າໄຫຼຜ່ານຖັງນີ້ໄປ ເພື່ອໄປຕົກຕະກອນໃນຖັງຕົກຕະກອນເບື້ອງຕົ້ນຕໍ່ໄປ ການອອກແບບຖັງດັກຊາຍ ນິຍົມອອກແບບໄດ້ 2 ວິທີ ຄື: ຖັງດັກຊາຍແບບຕື່ມອາກາດ (Aerated Grit Chamber) ແລະ ຖັງດັກຊາຍແບບນ້ຳໄຫຼແນວຮາບພຽງ (Horizontal-Flow Grit Chamber). 4. ຖັງປັບສະເໝີ (Equalization Tank): ມີວັດຖຸປະສົງຫຼັກເພື່ອປັບອັດຕາການໄຫຼຂອງນ້ຳເປື້ອນທີ່ປ່ຽນແປງ ຫຼື ບໍ່ຄົງທີ່ໃຫ້ອອກຈາກຖັງໃນອັດຕາການໄຫຼທີ່ຄົງທີ່ ເພື່ອເຮັດໃຫ້ຂະບວນການໃນຂັ້ນຕອນຕໍ່ໄປ ເຊັ່ນ: ຖັງຕົກຕະກອນ ເບື້ອງຕົ້ນ ຫຼື ຖັງຕື່ມອາກາດເຮັດວຽກໄດ້ສະດວກ ແລະ ມີປະສິດທິພາບ ດັ່ງນັ້ນອົງປະກອບທີ່ສຳຄັນຫຼາຍທີ່ຂາດບໍ່ໄດ້ຂອງຖັງຄືຕ້ອງມີເຄື່ອງສູບນ້ຳອອກຈາກຖັງນຳ ໂດຍປັບອັດຕາການສູບນ້ຳອອກຈາກຖັງໃຫ້ຄົງທີ່ ກໍລະນີຖັງປັບສະເໝີທີ່ມີນ້ຳເປື້ອນທີ່ມີຄຸນສົມບັດນ້ຳເປື້ອນປ່ຽນແປງໄດ້ງ່າຍ ຄວນຫາເຄື່ອງກວນ ເພື່ອເຮັດໜ້າທີ່ກວນ ແລະ ປັບສະພາບນ້ຳໃນຖັງໃຫ້ມີຄຸນສົມບັດເທົ່າກັນນຳ ຖ້ານ້ຳເປື້ອນເປັນປະເພດທາດອົງຄະທາດ ຄວນມີເຄື່ອງຕື່ມອາກາດໃນຖັງເພື່ອເຮັດໜ້າທີ່ກວນນ້ຳ ແລະ ຕື່ມອາກາດລົງໃນຖັງເພື່ອປ້ອງກັນພາວະບໍ່ໃຊ້ອາກາດທີ່ອາດຈະເກີດຂື້ນໃນຖັງ ແລະ ເຮັດໃຫ້ເກີດກິ່ນເໝັນໄດ້. 5. ການລອຍໂຕດ້ວຍຟອງອາກາດ (Dissolved Air Flotation): ການບຳບັດນ້ຳເປື້ອນວິທີນີ້ເໝາະສຳລັບນ້ຳເປື້ອນຈາກໂຮງງານທີ່ມີໄຂມັນ, ນ້ຳມັນ ຫຼື ເສັ້ນໃຍທີ່ມີລັກສະນະເບົາ ໂດຍເອົານ້ຳເປື້ອນມາອັດດ້ວຍຟອງອາກາດ ແລ້ວປ່ອຍໃນຖັງເປີດທີ່ມີຄວາມດັນບັນຍາກາດຟອງອາກາດຈະຍູ້ທາດດັ່ງກ່າວໃຫ້ລອຍໂຕຂື້ນມາທີ່ໜ້ານ້ຳຂອງຖັງ ແລະ ສາມາດກວາດອອກໄດ້ໂດຍໃຊ້ເຄື່ອງກວດຕະກອນລອຍ (Skimmer).  6. ຖັງດັກໄຂມັນ ແລະ ນ້ຳມັນ (Grease & Oil trap): ມີລັກສະນະເປັນຖັງສີ່ຫຼ່ຽມມີແຜ່ນກັ້ນ (Baffle) ເພື່ອດັກໄຂມັນທີ່ລອຍໃນຖັງບໍ່ໃຫ້ໄປຕິດກັບນ້ຳເປື້ອນ ແລະ ສາມາດກັກໄຂມັນທີ່ຢູ່ເທິງໜ້ານ້ຳໄປບຳບັດໃນຂັ້ນຕໍ່ໄປໄດ້ ຖັງດັກໄຂມັນຊະນິດນີ້ເໝາະສຳລັບແຫຼ່ງກຳເນີດນ້ຳເປື້ອນຂະໜາດນ້ອຍ. 7. ຖັງຕົກຕະກອນ (Sedimentation Tank): ການຕົກຕະກອນເປັນການແຍກຕະກອນທາດແຂງທີ່ມີນ້ຳໜັກຫຼາຍນອກຈາກນ້ຳເປື້ອນ ໂດຍການເກັບກັກນ້ຳເປື້ອນໄວ້ໄລຍະໜື່ງໃນຖັງຕົກຕະກອນເພື່ອຫຼຸດຄວາມໄວໃນການໄຫຼຂອງນ້ຳເປື້ອນ ຖ້າຈົນຕະກອນຕ່າງໆຈົມລົງສູ່ກົ້ນຖັງ.

Continue Reading  

ບັນຊີປະເພດຢາເສບຕິດ, ວັດຖຸອອກລິດຕໍ່ຈິດ-ປະສາດ ແລະ ສານເຄມີຕົ້ນບັນຊີເຄມີອຸດສາຫະກຳ

admin_emac ຂໍ້ມູນວິຊາການ, ບັນຊີລາຍຊື່ສານເຄມີ ແລະ ວັດຖຸອັນຕະລາຍ

ບັນຊີປະເພດຢາເສບຕິດ, ວັດຖຸອອກລິດຕໍ່ຈິດ-ປະສາດ ແລະ ສານເຄມີຕົ້ນ ຂໍ້ຕົກລົງຂອງກະຊວງສາທາລະນະສຸກວ່າດ້ວຍບັນຊີປະເພດຢາເສບຕິດ, ວັດຖຸອອກລິດຕໍ່ຈິດ-ປະສາດ ແລະ ສານເຄມີຕົ້ນ ສະບັບເລກທີ 08/ກຊສ, ລົງວັນທີ 4 ມັງກອນ 2005 ກຳນົດປະເພດຢາເສບຕິດ, ວັດຖຸອອກລິດຕໍ່ຈິດ-ປະສາດ ແລະ ສານເຄມີຕົ້ນ ອອກເປັນ 3 ບັນຊີດັ່ງນີ້:  1. ບັນຊີປະເພດຢາເສບຕິດ ທີ່ເປັນຢາປົວພະຍາດ ຫຼື ວັດຖຸຜະລິດຢາ ບັນຊີປະເພດຢາເສບຕິດ ທີ່ເປັນຢາປົວພະຍາດ ຫຼື ວັດຖຸຜະລິດຢາ ມີທັງໝົດ 6 ລາຍການຄື: Codeine phosphate / phosphate de codelne.(Codein, Kodein, Methylmorphin, Methylmorfin ….) Fentanyl citrate / Citrate de Fentanyl.(Fentaz, Haldid, Hypnorm, Leptanal, pentanyl, Phentanyl ….) Morphine hydrochloride / Chlorhydrate de Morphine.(Hipsedan, Mortha, Sedol, Spasma ….) Opium, Raw or Powder or Tincture. Pethidine hydrochloride / Chlorhydrate de Pethidine.(Dolosal, Alodan, Demerol, Dispadal(ol), Dolantal(in,ol), Dolental) 2. ບັນຊີປະເພດວັດຖຸອອກລິດຕໍ່ຈິດ-ປະສາດທີ່ເປັນຢາປົວພະຍາດ ຫຼື ວັດຖຸດິບຜະລິດຢາ. ບັນຊີປະເພດວັດຖຸອອກລິດຕໍ່ຈິດ-ປະສາດທີ່ເປັນຢາປົວພະຍາດ ຫຼື ວັດຖຸດິບຜະລິດຢາ ມີທັງໝົດ 12 ລາຍການຄື: Barbital Sodlum / Barbital Sodique.(Barbitone Sodlum, Noctal, Veronal) Bromazepam / Bromazepam.(Lectopam, Lesotan, Lexatin, Lexomil ….) Chlordiazepoxide hydrochloride/hydrochlorate de Chlordiazepoxide.(Diazepebrum, Elenium, Librium, Napoton ….) Clonazepam / Clonazepam.(Aklonil, Clonotril, Clozepan, Ravotril, Rivotril) Clorazepate mono(di) potassium / Clorazepate mono(di) Potassique(Trans(x) ene, Tranxilium ….) Diazepam / Diazepam(Diapam, Faustan, Seduxen, Valium ….) Flunitrazepam/Flunitrazepam(Darkene, Fluni(mi)pam, Hypnodrom,….) Midazolam / Midazolam(Doricum, Dormicum, Hypnovel, Sorenor, ….) Meprobamate/Meprobamate (Equanil, Diazemat, Civamate, MetabaMate, Neutramate, Tranquanil ….) Nitrazepam / Nitrazepam.(Alodorm, Apooxazepam, Chlorazepam, Lagazepam, Eunoctin, HypnOtin, Insomin, Mogadon, itrodiazepam, Ormodon, …..) Pentazocine hydrochloride / Chlorhydrate de Pentazocine.(Algopent, Dolofortin, Fortal, Fortwin, pentacina, pentafort, Talwin….) Phenobarbital sodium / Phenobarbital sodique.(Gardenal sodium, Lepinal-natrium, Luminal sodium ….) 3. ບັນຊີປະເພດສານເຄມີຕົ້ນ ແລະ ສານເຄມີສຳຮອງທີ່ມັກລັກລອບນຳເຂົ້າໃນການຜະລິດຢາເສບຕິດ, ສານເຄມີຕົ້ນ ແລະ ສານເຄມີສຳຮອງ ອິງຕາມລຳດັບຄວາມສຳຄັນ ແລະ ຄວາມສ່ຽງສູງຕໍ່ການລັກລອບນຳໃຊ້ເຂົ້າໃນການຜະລິດຢາເສບຕິດ, ສານເຄມີຕົ້ນ ແລະ ສານເຄມີສຳຮອງ ຈື່ງໄດ້ຈັດແບ່ງອອກເປັນ 3 ໝວດຄື: ບັນຊີ I: ແມ່ນສານເຄມີຕົ້ນທີ່ຄວບຄຸມພິເສດ ແລະ ມີການຄວບຄຸມໃນທຸກຂັ້ນຕອນເຊັ່ນ: ການຂໍອະນຸຍາດນຳເຂົ້າ, ການນຳເຂົ້າ-ສົ່ງອອກ, ການຜະລິດ, ການຈຳໜ່າຍ, ການຂົນສົ່ງ ແລະ ການນຳໃຊ້ ມີທັງໝົດ 12 ລາຍການຄື: ACETIC ANHYDRIDE N-ACETYLANTHRANILIC ACID ERGOMETRINE ERGOTAMINE EPHEDRINE ISOSAFROLE LYSERGIC ACID METHYLENE DIOXYPHENYL 2-ROPANONE NOREPHEDRINE PIPERONAL PSEUDOEPHEDRINE SAFROLE ບັນຊີ II: ແມ່ນສານເຄມີສຳຮອງ ທີ່ສາມາດປ່ຽນແທນ ສານເຄມີຕົ້ນຄວບຄຸມພິເສດ ໄດ້ດ້ວຍການສັງເຄາະ (ຕາມຕາຕະລາງບັນຊີ) ແລະ ມັກຖືກລັກລອບນຳໄປໃຊ້ເຂົ້າໃນການຜະລິດຢາເສບຕິດ ແລະ ວັດຖຸອອກລິດຕໍ່ຈິດ-ປະສາດ ມີທັງໝົດ 18 ລາຍການຄື: ACETONE ANTHRANILIC ACID METHYL ETHYL KETONE ( MEK ) BARIUM SULPHAT BENZALDEHYDE BENZAL CYANIDE DIETHYLAMINE 1-PHENYL2-PROPANONE ETHYL ETHER HYDROCHLORIC ACID METHYLAMINE NITROETHANE PHENYLACETIC ACID PIPERIDINE POTASSIUM PERMENGANATE PYRIDINE SULFURIC ACID TOLUENE ບັນຊີ III: ແມ່ນສານເຄມີ ທີ່ຕ້ອງໄດ້ເອົາໃຈໃສ່ຕິດຕາມກວດກາການນຳເຂົ້າ, ຈຳໜ່າຍ, ຂົນສົ່ງ ແລະ ການນຳໃຊ້ ມີທັງໝົດ 5 ລາຍການຄື: ACETIC ACID, GLACIAL CAFFEINE METHYL ISO BUTYL KETONE (MIBK) PHOSPHOROUS TRICHLORIDE THIONYL CHLORIDE           ຜູ້ທີ່ມີຈຸດປະສົງຢາກສັ່ງຊື້ ນຳເຂົ້າ-ສົ່ງອອກ, ຜະລິດ ຕ້ອງມີແຜນການປະຈຳປີ ແລະ ໄດ້ຮັບໃບອະນຸຍາດທາງການ ຈາກກະຊວງສາທາລະນະສຸກ ເທົ່ານັ້ນ.           ໂດຍມອບໃຫ້ກົມອາຫານ ແລະ ຢາ ເປັນຈຸດໃຈກາງປະສານງານ ກັບພາກສ່ວນທີ່ກ່ຽວຂ້ອງໃນການຈັດຕັ້ງປະຕີບັດ ຂໍ້ຕົກລົງສະບັບນີ້ຢ່າງເຂັ້ມງວດ.  ດາວໂຫລດເອກະສານອ້າງອິງ ຂໍ້ຕົກລົງຂອງກະຊວງສາທາລະນະສຸກວ່າດ້ວຍບັນຊີປະເພດຢາເສບຕິດ, ວັດຖຸອອກລິດຕໍ່ຈິດ-ປະສາດ ແລະ ສານເຄມີຕົ້ນ ສະບັບເລກທີ 08/ກຊສ download

Continue Reading  

ການບຳບັດສິ່ງເສດເຫຼືອອຸດສາຫະກຳດ້ວຍການເຮັດໃຫ້ເປັນກາງ (Neutralization)

admin_emac Leave a comment ການບຳບັດ-ກຳຈັດສິ່ງເສດເຫຼືອ, ຂໍ້ມູນວິຊາການ

ການບຳບັດສິ່ງເສດເຫຼືອອຸດສາຫະກຳດ້ວຍການເຮັດໃຫ້ເປັນກາງ (Neutralization) ການເຮັດໃຫ້ເປັນກາງ (Neutralization) ເປັນການປັບສະພາບຄວາມເປັນກົດ-ດ່າງ ຫຼື pH ໃຫ້ຢູ່ໃນສະພາບທີ່ເປັນກາງເພື່ອໃຫ້ເກີດຄວາມເໝາະສົມທີ່ຈະເອົາໄປບຳບັດໃນຂັ້ນຕອນຕໍ່ໄປ ໂດຍສະເພາະຂະບວນການບຳບັດນ້ຳເປື້ອນດ້ວຍວິທີທາງຊີວະພາບ ເຊິ່ງຕ້ອງການນ້ຳເປື້ອນທີ່ມີຄ່າ pH ຢູ່ໃນລະຫວ່າງ 6.5-8.5 ແຕ່ກ່ອນທີ່ຈະປ່ອຍນ້ຳເປື້ອນທີ່ຜ່ານການບຳບັດດີແລ້ວລົງສູ່ທຳມະຊາດຕ້ອງປັບສະພາບ pH ໃຫ້ຢູ່ໃນລະຫວ່າງ 5-9 ຖ້າ pH ຕ່ຳຈະຕ້ອງປັບສະພາບດ້ວຍດ່າງ ເຊິ່ງດ່າງທີ່ນິຍົມເອົາມາໃຊ້ຄື: NaOH, CaO, ຫຼື NH3 ເປັນຕົ້ນ ແລະ ຖ້ານ້ຳເປື້ອນມີຄ່າ pH ສູງ ຕ້ອງປັບສະພາບ pH ໃຫ້ເປັນກາງໂດຍໃຊ້ກົດ ເຊິ່ງກົດທີ່ນິຍົມເອົາມາໃຊ້ຄື: H2SO4, HCL, CO2  ຈຸດດີຂອງວິທີການເຮັດໃຫ້ເປັນກາງ           1. ຊ່ວຍເຮັດໃຫ້ສິ່ງເສດເຫຼືອມີສະພາບທີ່ເໝາະສົມໃນການບຳບັດຂັ້ນຕໍ່ໄປ           2. ເຄື່ອງຈັກອຸປະກອນທີ່ໃຊ້ບໍ່ຊັບຊ້ອນ           3. ຄວບຄຸມໄດ້ໂດຍໃຊ້ເຄື່ອງມືອັດຕະໂນມັດ ຈຸດອ່ອນຂອງວິທີການເຮັດໃຫ້ເປັນກາງ           1. ສານເຄມີທີ່ໃຊ້ມີຄວາມສາມາດໃນການກັດຫ້ຽນສູງ ເຮັດໃຫ້ເຄື່ອງຈັກອຸປະກອນເສື່ອມສະພາບໄວ           2. ເກີດເກືອລະລາຍນ້ຳທີ່ຫຼາຍຂື້ນ           3. ສານເຄມີທີ່ໃຊ້ອາດຈະເຮັດໃຫ້ເກີດຜົນກະທົບຕໍ່ສຸຂະພາບ

Continue Reading  

ການຄວມຄຸມ ແລະ ປ້ອງກັນດ້ານສຸຂະອະນາໄມອຸດສາຫະກຳ (Industrial Hygiene)

admin_emac ການຄຸ້ມຄອງສິ່ງແວດລ້ອມຂອງໂຮງງານອຸດສາຫະກຳ

ການຄວມຄຸມ ແລະ ປ້ອງກັນດ້ານສຸຂະອະນາໄມອຸດສາຫະກຳ (Industrial Hygiene) 1. ຄວາມໝາຍຂອງການຄວບຄຸມ ແລະ ປ້ອງກັນດ້ານສຸຂະອະນາໄມອຸດສາຫະກຳ            ການຄວບຄຸມ ແລະ ປ້ອງກັນດ້ານສຸຂະອະນາໄມອຸດສາຫະກຳເປັນຈັດຕັ້ງປະຕິບັດມາດຕະການປ້ອງກັນ ຫຼື ແກ້ໄຂບັນຫາສິ່ງແວດລ້ອມໃນການເຮັດວຽກ ໂດຍໃຊ້ຫຼັກວິຊາການດ້ານວິທະຍາສາດ ເພື່ອຫຼຸດອັນຕະລາຍທີ່ອາດຈະເກີດຂື້ນຕໍ່ສຸຂະພາບຂອງແຮງງານລົງໃຫ້ໜ້ອຍທີ່ສຸດ. 2. ຫຼັກການຄວບຄຸມ ແລະ ປ້ອງກັນດ້ານສຸຂະອະນາໄມອຸດສາຫະກຳ ມີ 3 ຫຼັກການຄື: ການຄວບຄຸມ ແລະ ປ້ອງກັນທີ່ແຫຼ່ງກຳເນີດ ຫຼື ຕົ້ນເຫດທີ່ເຮັດໃຫ້ເກີດອັນຕະລາຍ: ເປັນການຄວບຄຸມບໍ່ໃຫ້ທາດພິດ ຫຼື ອັນຕະລາຍຕໍ່ສຸຂະພາບຂອງແຮງງານແຜ່ກະຈາຍອອກໄປສູ່ບັນຍາກາດການເຮັດວຽກ ເຊັ່ນ: ການປ່ຽນແປງຂະບວນການຜະລິດໃຫ້ປອດໄພຂື້ນ, ການໃຊ້ລະບົບລະບາຍອາກາດສະເພາະຈຸດດູດເອົາທາດພິດອອກຈາກພື້ນທີ່ເຮັດວຽກ ເປັນຕົ້ນ; ການຄວບຄຸມ ແລະ ປ້ອງກັນທີ່ທາງຜ່ານຂອງອັນຕະລາຍ: ເປັນການຄວບຄຸມອັນຕະລາຍ ບໍ່ວ່າຈະເປັນທາດພິດທີ່ຢູ່ໃນອາກາດ ຫຼື ມົນລະພິດທາງສຽງທີ່ມາຈາກແຫຼ່ງກຳເນີດສຽງ ໂດຍການໃຊ້ວິທີການລະບາຍອາກາດທົ່ວໄປ, ການກວດສະພາບແວດລ້ອມໃນການເຮັດວຽກ ຫຼື ການຕິດຕັ້ງສັນຍານເຕືອນໄພ; ການຄວບຄຸມ ແລະ ປ້ອງກັນທີ່ຜູ້ອອກແຮງງານ: ເປັນການຄວບຄຸມບໍ່ໃຫ້ຜູ້ອອກແຮງງານໄດ້ຮັບອັນຕະລາຍຈາກການສຳຜັດກັບທາດພິດຈົນເກີດການເຈັບເປັນ ເຊັ່ນ: ການໃສ່ອຸປະກອນປ້ອງກັນໄພສ່ວນບຸກຄົນ (Personal Protective Equipment: PPE), ການໃຫ້ການສຶກສາ ແລະ ອົບຮົມ, ການກວດສຸຂະພາບປະຈຳປີຂອງແຮງງານ. 3. ມາດຕະການຄວບຄຸມ ແລະ ປ້ອງກັນດ້ານສຸຂະອະນາໄມອຸດສາຫະກຳມີ 2 ມາດຕະການໃຫຍ່ໆ ໄດ້ແກ່ ມາດຕະການຄວບຄຸມທາງວິສະວະກຳ: ເປັນການຄວບຄຸມອັນຕະລາຍທີ່ຈະເລີ່ມຕົ້ນຕັ້ງແຕ່ ຂັ້ນຕອນການອອກແບບລາຍລະອຽດ ຫຼື ການໃຊ້ວິທີການທົດແທນ, ການແຍກຂະບວນການທີ່ເປັນອັນຕະລາຍ, ການຈັດລະບົບລະບາຍອາກາດສະເພາະຈຸດ ແລະ ການປິດສ່ວນທີ່ເປັນອັນຕະລາຍ ຫຼື ການລະບາຍອາກາດເຊັ່ນ: ການປະສົມສານເຄມີໂດຍໃຊ້ເຄື່ອງຈັກອັດຕະໂນມັດແທນການໃຊ້ຄົນ, ການໃຊ້ວັດສະດຸດູດຊັບສຽງ ຫຼື ເຮັດຫ້ອງເກັບສຽງເພື່ອແຍກຂະບວນການຜະລິດທີ່ມີສຽງດັງ; ມາດຕະການຄວບຄຸມທາງດ້ານບໍລິຫານ: ເປັນການຄວບຄຸມອັນຕະລາຍທີ່ຈະຫຼຸດການສຳຜັດຂອງຜູ້ອອກແຮງງານ ໂດຍຫຼຸດຊ່ວງເວລາການເຮັດວຽກໃນບໍລິເວນທີ່ເປັນອັນຕະລາຍ ລວມທັງຝຶກອົບຮົມ ແລະ ໃຫ້ຄວາມຮູ້ກ່ຽວກັບການຄຳນຶງເຖິງອັນຕະລາຍ ແລະ ຂັ້ນຕອນການຈັດຕັ້ງປະຕິບັດທີ່ຈະຊ່ວຍຫຼຸດການສຳຜັດກັບສິ່ງອັນຕະລາຍ, ການເບີ່ງແຍງຄວາມເປັນລະບຽບຮຽບຮ້ອຍ ຈົນຮອດການນຳໃຊ້ອຸປະກອນປ້ອງກັນໄພສ່ວນບຸກຄົນ (PPE) ໂດຍສາມາດໃຊ້ມາດຕະການນີ້ຄຽງຄູ່ໄປກັບມາດຕະການຄວບຄຸມທາງວິສະວະກຳ ເຊັ່ນ: ການອະນາໄມເຄື່ອງດູດຝຸ່ນເປັນປະຈຳ, ການໃຫ້ພະນັກງານໃຊ້ແວ່ນຕາກັນສານເຄມີເມື່ອເຮັດວຽກກັບສານເຄມີ. ແຫຼ່ງທີ່ມາ: หลักการควบคุมด้านสุขศาสตร์อุตสาหกรรม

Continue Reading  

ພິທີລົງນາມ ບົດບັນທຶກຄວາມຮ່ວມມື Memorandum of Collaboration (MOC) ລະຫວ່າງ ສູນວິຊາການດ້ານການຈັດການສິ່ງແວດລ້ອມ (EMAC) ແລະ ບໍລິສັດ ຊິດສະຕໍລີ ຈຳກັດ (Systory) ວັນທີ 07 ສິງຫາ 2024

admin_emac ການເຄື່ອນໄຫວຂອງສູນ

ພິທີລົງນາມບົດບັນທຶກຄວາມຮ່ວມມື Memorandum of Collaboration (MOC) ລະຫວ່າງສູນວິຊາການດ້ານການຈັດການສິ່ງແວດລ້ອມ (EMAC) ແລະ ບໍລິສັດ ຊິດສະຕໍລີ ຈຳກັດ (Systory Co.,ltd) ວັນທີ 07 ສິງຫາ 2024        ໃນວັນທີ 07 ສິງຫາ 2024, ທີ່ຄະນະວິທະຍາສາດສິ່ງແວດລ້ອມ. ສູນວິຊາການດ້ານການຈັດການສິ່ງແວດລ້ອມ (EMAC) ໄດ້ລົງນາມໃນບົດບັນທຶກຄວາມຮ່ວມມື (MOC) ກັບ ບໍລິສັດ ຊິດສະຕໍລີ ຈຳກັດ ເພື່ອຮ່ວມມືກັນພັດທະນາ ແລະ ຄຸ້ມຄອງບັນດາລະບົບຖານຂໍ້ມູນກ່ຽວກັບການຄຸ້ມຄອງສິ່ງແວດລ້ອມ ເຊິ່ງໄດ້ຮັບມອບຈາກ ບໍລິສັດ ສະຫວັນ ອີເອັມຊີ ຈຳກັດ ເມື່ອວັນທີ 21 ມິຖຸນາ 2024 ທີ່ຜ່ານມາ ເຊັ່ນ: ລະບົບຕິດຕາມການຂົນສົ່ງ ແລະ ບຳບັດ-ຈຳກັດສິ່ງເສດເຫຼືອ (Waste Manifest system), ລະບົບຖານຂໍ້ມູນການຄຸ້ມຄອງສິ່ງແວດລ້ອມໂຮງງານ, ລະບົບຄຸ້ມຄອງສານເຄມີ, ລະບົບແຈ້ງ ແລະ ຕິດຕາມການຂົນສົ່ງສິ່ງເສດເຫຼືອຂ້າມແດນ ແລະ ລະບົບຄຸ້ມຄອງເອເລັກໂຕນິກອື່ນໆ ເຊິ່ງເປັນຂີດໝາຍ ແລະ ບາດກ້າວອັນສຳຄັນໃນການພັດທະນາລະບົບຖານຂໍ້ມູນຂອງ ສປປ ລາວ ໃຫ້ມີຄວາມທັນສະໄໝຫຼາຍຂື້ນ.

Continue Reading  

ກົມອຸດສາຫະກຳ, ກະຊວງ ອຸດສາຫະກຳ ແລະ ການຄ້າ ຮ່ວມກັບສູນວິຊາການດ້ານການຈັດການສິ່ງແວດລ້ອມ (EMAC) ຈັດສຳມະນາກ່ຽວກັບການຄຸ້ມຄອງສິ່ງແວດລ້ອມ ແລະ ຄວາມປອດໄພປະຈຳໂຮງງານ ຄັ້ງວັນທີ 06 ສິງຫາ 2024

admin_emac ການເຄື່ອນໄຫວຂອງສູນ

ກົມອຸດສາຫະກຳ, ກະຊວງອຸດສາຫະກຳ ແລະ ການຄ້າ ຮ່ວມກັບສູນວິຊາການດ້ານການຈັດການສິ່ງແວດລ້ອມ (EMAC) ຈັດກອງປະຊຸມສຳມະນາກ່ຽວກັບການຄຸ້ມຄອງສິ່ງແວດລ້ອມ ແລະ ຄວາມປອດໄພປະຈຳໂຮງງານ ຄັ້ງວັນທີ 06 ສິງຫາ 2024        ໃນວັນທີ 06 ສິງຫາ 2024, ກົມອຸດສາຫະກຳ, ກະຊວງອຸດສາຫະກຳ ແລະ ການຄ້າ ຮ່ວມກັບ ສູນວິຊາການດ້ານການຈັດການສິ່ງແວດລ້ອມ (EMAC) ໄດ້ຈັດກອງປະຊຸມສຳມະນາກ່ຽວກັບ ການຄຸ້ມຄອງສິ່ງແວດລ້ອມ ແລະ ຄວາມປອດໄພປະຈຳໂຮງງານ ພາຍໃຕ້ການເປັນປະທານຂອງ ທ່ານ ຄຳນ້ອຍ ຈັນເພັງໄຊ ຮອງຫົວໜ້າກົມອຸດສາຫະກຳ ໂດຍມີຜູ້ເຂົ້າຮ່ວມທັງໝົດຈຳນວນ 29 ທ່ານ ເປັນໂຮງງານອຸດສາຫະກຳຈຳນວນທັງໝົດ 14 ໂຮງງານ.        ຈຸດປະສົງຂອງກອງປະຊຸມຄັ້ງນີ້ແມ່ນເພື່ອເຜຍແຜ່ນະໂຍບາຍ ແລະ ລະບຽບການໃນການຄຸ້ມຄອງສິ່ງແວດລ້ອມ ແລະ ສິ່ງເສດເຫຼືອ ຈາກອຸດສາຫະກຳປຸງແຕ່ງ ເປັນຕົ້ນແມ່ນ ຂໍ້ກຳນົດວ່າດ້ວຍການປ່ອຍນ້ຳເປື້ອນ ແລະ ນ້ຳເສຍຄຸນຈາກໂຮງງານອຸດສາຫະກຳປຸງແຕ່ງ, ຂໍ້ຕົກລົງວ່າດ້ວຍມາດຕະຖານອາກາດທີ່ປ່ອຍຈາກໂຮງງານອຸດສາຫະກຳປຸງແຕ່ງ, ຂໍ້ຕົກລົງວ່າດ້ວຍການສ້າງຕັ້ງໜ່ວຍງານສິ່ງແວດລ້ອມ ແລະ ເຄມີ ປະຈຳໂຮງງານ ແລະ ຂໍ້ຕົກລົງວ່າດ້ວຍການຄຸ້ມຄອງສິ່ງເສດເຫຼືອຈາກໂຮງງານອຸດສາຫະກຳປຸງແຕ່ງ. ຜ່ານການສະເໜີໂດຍ ທ່ານ ສຸລິພອນ ກົງແສງຈິດ, ຫົວໜ້າ ພະແນກສິ່ງແວດລ້ອມ ແລະ ຄວາມປອດໄພອຸດສາຫະກຳ.         ນອກຈາກນັ້ນຍັງໄດ້ມີການນຳສະເໜີລະບົບຕິດຕາມຕິດຕາມການຂົນສົ່ງສິ່ງເສດເຫຼືອອຸດສາຫະກຳ (Waste Manifest System) ໂດຍ ປອ. ດາວອນ ແກ້ວມະນີ ຜູ້ອຳນວຍການສູນວິຊາການດ້ານການຈັດການສິ່ງແວດລ້ອມ (EMAC) ເຊິ່ງລະບົບດັ່ງກ່າວຈະເປັນເຄື່ອງມືອຳນວຍຄວາມສະດວກໃຫ້ແກ່ໂຮງງານອຸດສາຫະກຳ ແລະ ໜ່ວຍງານພາກລັດ ໃນການຈັດເກັບຂໍ້ມູນ ແລະ ລາຍງານການບຳບັດ-ກຳຈັດສິ່ງເສດເຫຼືອ, ຊ່ວຍໃຫ້ໂຮງງານໄດ້ຈັດຕັ້ງປະຕິບັດຕາມນິຕິກຳຂອງ ສປປ.ລາວ ທີ່ວາງອອກຢ່າງຖືກຕ້ອງ, ຄົບຖ້ວນ ແລະ ວ່ອງໄວ ແລະ ຍັງໄດ້ນຳສະເໜີສະຖານີຄົ້ນຄວ້າ-ວິໄຈ ການບຳບັດ-ກຳຈັດສິ່ງເສດເຫຼືອອຸດສາຫະກຳທີ່ສາມາດໃຫ້ຄຳແນະນຳ, ບໍລິການຂົນສົ່ງ ແລະ ບຳບັດ-ກຳຈັດສິ່ງເສດເຫຼືອທຸກຊະນິດ ໂດຍສະເພາະສິ່ງເສດເຫຼືອເຄມີ, ພະຊະນະບັນຈຸເຄມີ… ດ້ວຍວິທີທີ່ໄດ້ມາດຕະຖານ ແລະ ບໍ່ສົ່ງຜົນກະທົບຕໍ່ສິ່ງແວດລ້ອມອີກດ້ວຍ.         ຜູ້ເຂົ້າຮ່ວມກອງປະຊຸມຄັ້ງນີ້ ຍັງໄດ້ມີໂອກາດແລກປ່ຽນຄຳຄິດເຫັນກ່ຽວກັບການຄຸ້ມຄອງສິ່ງແວດລ້ອມ, ການລາຍງານການຈຳກັດສິ່ງເສດເຫຼືອອຸດສາຫະກຳຮ່ວມກັນອີກດ້ວຍ.

Continue Reading  

ພິທີມອບ-ຮັບລະບົບຖານຂໍ້ມູນ (EMAC Database) ລະຫວ່າງ ບໍລິສັດ ສະຫວັນ ອີເອັມຊີ ຈຳກັດ ແລະ ສູນວິຊາການດ້ານການຈັດການສິ່ງແວດລ້ອມ, ຄະນະວິທະຍາສາດສິ່ງແວດລ້ອມ, ມະຫາວິທະຍາໄລແຫ່ງຊາດ ຄັ້ງວັນທີ 21 ມິຖຸນາ 2024

admin_emac ການເຄື່ອນໄຫວຂອງສູນ

ພິທີມອບ-ຮັບລະບົບຖານຂໍ້ມູນ (EMAC Database) ລະຫວ່າງບໍລິສັດ ສະຫວັນ ອີເອັມຊີ ຈຳກັດ ແລະ ສູນວິຊາການດ້ານການຈັດການສິ່ງແວດລ້ອມ, ຄະນະວິທະຍາສາດສິ່ງແວດລ້ອມ, ມະຫາວິທະຍາໄລແຫ່ງຊາດ ຄັ້ງວັນທີ 21 ມິຖຸນາ 2024        ເພື່ອໃຫ້ ສປປ ລາວ ມີລະບົບຖານຂໍ້ມູນກາງກ່ຽວກັບການຄຸ້ມຄອງສິ່ງແວດລ້ອມ ໃນວັນທີ 21 ມິຖຸນາ 2024 ບໍລິສັດ ສະຫວັນ ອີເອັມຊີ ຈຳກັດ ໄດ້ມອບລະບົບຖານຂໍ້ມູນ (EMAC Database), ລະບົບຕິດຕາມການຂົນສົ່ງ Waste Manifest system ມູນຄ່າ 69,000 USD (ຫົກສິບເກົ້າພັນໂດລາສະຫະລັດ) ໃຫ້ແກ່ ສູນວິຊາການດ້ານການຈັດການສິ່ງແວດລ້ອມ (EMAC), ຄະນະວິທະຍາສາດສິ່ງແວດລ້ອມ, ມະຫາວິທະຍາໄລແຫ່ງຊາດ (ມຊ) ເປັນຜູ້ຄຸ້ມຄອງຖານຂໍ້ມູນ ແລະ ພັດທະນາສືບຕໍ່ໄປ.         ໂດຍການມອບຂອງທ່ານ ເອກະສິດ ເມຖາທິລະສະຫວັດ ຜູ້ອຳນວຍການ ບໍລິສັດ ສະຫວັນ ອີເອັມຊີ ຈຳກັດ ແລະ ຮັບໂດຍທ່ານ ຮສ. ປອ. ໄກສອນ ເພັງໂສພາ ຄະນະບໍດີ ຄະນະວິທະຍາສາດສິ່ງແວດລ້ອມ ເປັນກຽດເຂົ້າຮ່ວມໂດຍ ທ່ານ ຄຳນ້ອຍ ຈັນເພັງໄຊ ຮອງຫົວໜ້າກົມອຸດສາຫະກຳ ແລະ ພາກສ່ວນທີ່ກ່ຽວຂ້ອງ ພ້ອມດ້ວຍພະນັກງານ, ຄູ-ອາຈານ ແລະ ນັກສຶກສາເຂົ້າຮ່ວມ.

Continue Reading  

Industrial Waste Transportation Procedures of Environmental Management Academic Center (EMAC)

admin_emac Leave a comment ຂໍ້ມູນວິຊາການ, ການນຳໃຊ້ລະບົບຕິດຕາມການຂົນສົ່ງສິ່ງເສດເຫຼືອ (Manifest System)

Industrial Waste Transportation Procedures of the Environmental Management Academic Center (EMAC) The industrial waste transportation procedure of the Environmental Management Academic Center (EMAC) is as follows:                1. Register to use the manifest system (EMAC ID Register): A waste generator  (WG) must designate a company employee to use the system.                2. Create a catalog of waste in the system: Waste generator (WG) must prepare data on the waste type and estimated amount of waste that occurs annually and consult with EMAC’s technical staff to determine the waste code according to the system of the European waste Catalog and Hazardous waste list or EWC-HWL (Click to see the waste code) you can create waste catalog by following the steps => Click;                3. Create Manifest: Waste generator (WG) must inform the type of waste to be transported, quantity, packaging, date to be transported, select the waste transporter (WT) and waste disposal (WD) registered in the system by following the steps => Click;                 4. Check the accuracy of the information: the waste system staff (WS) checks the accuracy and completeness of Draft Manifest before approve data to system database;                 5. Waste transporter (WT) Confirm to the shipment: the waste transporter confirm the date of shipment specified in the Manifest as well as provides the vehicle and driver;                6. Waste Disposal (WD) Confirm to the shipment: the waste disposal confirm to disposal waste that specified in the Manifest;                7.  Waste Transport:                     7.1. Waste Generator (WG) scans the QR Code to authorize the delivery of the waste to the transporter (WT)                      7.2. when the waste is transported to the destination, the waste disposal (WD) checks the correctness of the waste, weight and then scans the QR to confirm the receipt of the waste from the transporter (WT);                8. Confirmation of information: the waste regulator (WR) checks the authenticity of the shipment and Certify the manifest; Remarks: – Registration using the manifest system (EMAC ID Register) is done only one time. – Creating a waste catalog is done once a year, but you can add waste categories (later through approval by the information manager or waste system staff (WS) of EMAC. – Create Manifest must be done every time before transporting industrial waste.

Continue Reading