#manifest

Industrial Waste Transportation Procedures of the Environmental Management Academic Center (EMAC) The industrial waste transportation procedure of the Environmental Management Academic Center (EMAC) is as follows:                1. Register to use the manifest system (EMAC ID Register): A waste generator  (WG) must designate a company employee to use the system.                2. Create a catalog of waste in the system: Waste generator (WG) must prepare data on the waste type and estimated amount of waste that occurs annually and consult with EMAC’s technical staff to determine the waste code according to the system of the European waste Catalog and Hazardous waste list or EWC-HWL (Click to see the waste code) you can create waste catalog by following the steps => Click;                3. Create Manifest: Waste generator (WG) must inform the type of waste to be transported, quantity, packaging, date to be transported, select the waste transporter (WT) and waste disposal (WD) registered in the system by following the steps => Click;                 4. Check the accuracy of the information: the waste system staff (WS) checks the accuracy and completeness of Draft Manifest before approve data to system database;                 5. Waste transporter (WT) Confirm to the shipment: the waste transporter confirm the date of shipment specified in the Manifest as well as provides the vehicle and driver;                6. Waste Disposal (WD) Confirm to the shipment: the waste disposal confirm to disposal waste that specified in the Manifest;                7.  Waste Transport:                     7.1. Waste Generator (WG) scans the QR Code to authorize the delivery of the waste to the transporter (WT)                      7.2. when the waste is transported to the destination, the waste disposal (WD) checks the correctness of the waste, weight and then scans the QR to confirm the receipt of the waste from the transporter (WT);                8. Confirmation of information: the waste regulator (WR) checks the authenticity of the shipment and Certify the manifest; Remarks: – Registration using the manifest system (EMAC ID Register) is done only one time. – Creating a waste catalog is done once a year, but you can add waste categories (later through approval by the information manager or waste system staff (WS) of EMAC. – Create Manifest must be done every time before transporting industrial waste.

ການກຳນົດລະຫັດສິ່ງເສດເຫຼືອອຸດສາຫະກຳ ລະຫັດສິ່ງເສດເຫຼືອປະກອບດ້ວຍຕົວເລກ 6 ຫຼັກ (xx yy zz) ມີຄວາມໝາຍດັ່ງຕໍ່ໄປນີ້: ລະຫັດ 2 ຫຼັກທຳອິດ (xx) ເປັນໝວດໃຫຍ່ຂອງສິ່ງເສດເຫຼືອ ອະທິບາຍແຫຼ່ງທີ່ມາຂອງສິ່ງເສດເຫຼືອ ມີທັງໝົດ 20 ໝວດ ແຕ່ລະໝວດໃຫຍ່ຈະມີໝວດຍ່ອຍ (xx yy) ອະທິບາຍຂະບວນການທີ່ເຮັດໃຫ້ເກີດສິ່ງເສດເຫຼືອ ແຕ່ລະໝວດຍ່ອຍມີລະຫັດສິ່ງເສດເຫຼືອຫຼາຍໂຕ ທີ່ອະທິບາຍເຖິງທາດໃນສິ່ງເສດເຫຼືອ (xx yy zz) ການກຳນົດລະຫັດສິ່ງເສດເຫຼືອອຸດສາຫະກຳສາມາດປະຕິບັດຕາມຂັ້ນຕອນດັ່ງຕໍ່ໄປນີ້:      1. ຂັ້ນຕອນທີ 1 ປຽບທຽບຂະບວນການ ຫຼື ກິດຈະກຳສະເພາະທີ່ເຮັດໃຫ້ເກີດສິ່ງເສດເຫຼືອໃນໝວດທີ 01 ຮອດ 12 ແລະ 17 ຮອດ 20 ຖ້າຂະບວນການ ຫຼື ກິດຈະກຳຢູ່ໃນຂອບເຂດຂອງໝວດດັ່ງກ່າວ ໃຫ້ເບີ່ງໝວດຍ່ອຍທີ່ຢູ່ໃນໝວດທີ່ກ່ຽວຂ້ອງນັ້ນ ຖ້າຂະບວນການ ຫຼື ກິດຈະກຳນັ້ນຢູ່ໃນຂອບເຂດຂອງໝວດໃຫຍ່ ແລະ ໝວດຍ່ອຍ ໃຫ້ຊອກຫາລະຫັດທີ່ເໝາະສົມພາຍໃຕ້ໝວດຍ່ອຍນັ້ນ ໃນຂັ້ນຕອນນີ້ບໍ່ຄວນເລືອກໃຊ້ລະຫັດທົ່ວໄປ (xx xx 99) ຖ້າບໍ່ມີລະຫັດທີ່ເໝາະສົມໃຫ້ດຳເນີນການໃນຂັ້ນຕອນທີ 2 ຕໍ່ໄປ      2. ຂັ້ນຕອນທີ 2 ປຽບທຽບປະເພດຂອງສິ່ງເສດເຫຼືອສະເພາະໃນໝວດ 13 ຮອດ 15 ຖ້າປະເພດສິ່ງເສດເຫຼືອຢູ່ໃນຂອບເຂດຂອງໝວດດັ່ງກ່າວໃຫ້ເບີ່ງໝວດຍ່ອຍທີ່ຢູ່ໃນໝວດທີ່ກ່ຽວຂ້ອງນັ້ນ ຖ້າປະເພດສິ່ງເສດເຫຼືອຢູ່ໃນຂອບເຂດຂອງໝວດໃຫຍ່ ແລະ ໝວດຍ່ອຍໃຫ້ຊອກຫາລະຫັດທີ່ເໝາະສົມພາຍໃຕ້ໝວດຍ່ອຍນັ້ນ ອາດຈະໃຊ້ລະຫັດທົ່ວໄປ (xx xx 99) ໄດ້ຕາມຄວາມເໝາະສົມ (ການກຳນົດລະຫັດທົ່ວໄປ ຈະຕ້ອງເປັນທາງເລືອກສຸດທ້າຍ ແລະ ຄວນຫຼີກລ້ຽງການນຳໃຊ້ລະຫັດດັ່ງກ່າວໃຫ້ໄດ້ຫຼາຍທີ່ສຸດ) ຖ້າບໍ່ມີລະຫັດທີ່ເໝາະສົມໃຫ້ດຳເນີນການໃນຂັ້ນຕອນທີ 3 ຕໍ່ໄປ       3. ຂັ້ນຕອນທີ 3 ກວດເບີ່ງວ່າສິ່ງເສດເຫຼືອຢູ່ໃນຂອບເຂດໝວດຍ່ອຍ ພາຍໃນໝວດໃຫຍ່ 16 ຫຼື ບໍ່ ຖ້າປະເພດສິ່ງເສດເຫຼືອຢູ່ໃນຂອບເຂດຂອງໝວດຍ່ອຍດັ່ງກ່າວໃຫ້ຊອກຫາລະຫັດທີ່ເໝາະສົມ ຖ້າບໍ່ມີລະຫັດທີ່ເໝາະສົມໃນດຳເນີນການໃນຂັ້ນຕອນທີ 4 ຕໍ່ໄປ      4. ຂັ້ນຕອນທີ 4 ກັບໄປຂັ້ນຕອນທີ 1 ແລະ ກຳນົດລາຍການທົ່ວໄປ xx xx 99 ຈາກໝວດໃຫຍ່ ແລະ ໝວດຍ່ອຍທີ່ເໝາະສົມກັບຂະບວນການ ຫຼື ກິດຈະກຳທີ່ເຮັດໃຫ້ເກີດສິ່ງເສດເຫຼືອ ກຳນົດລະຫັດ xx xx 99 ກວດກາໃຫ້ແນ່ໃຈວ່າໄດ້ພິຈາລະນາຕາມຂັ້ນຕອນ 1 ຮອດ 3 ແລ້ວ Click ເພື່ອເບີ່ງບັນຊີລາຍຊື່ສິ່ງເສດເຫຼືອ

ການເພີ່ມປະລິມານສິ່ງເສດເຫຼືອໃນລາຍການ (Extend the quota)           ຜູ້ສ້າງສິ່ງເສດເຫຼືອ (WG) ສາມາດເພີ່ມປະລິມານສິ່ງເສດເຫຼືອໃນລາຍການ (Extend the quota) ຕາມຂັ້ນຕອນດັ່ງຕໍ່ໄປນີ້:           1. ເຂົ້າສູ່ລະບົບຜ່ານ https://wg.emac-lao.com/login/           2. ໃສ່ອີເມວ ແລະ ລະຫັດຜ່ານທີ່ໄດ້ຮັບຈາກການຂື້ນທະບຽນກັບສູນວິຊາການດ້ານຈັດການສິ່ງແວດລ້ອມ EMAC           3. ເຂົ້າໄປແຖບດ້ານຂ້າງ > ລາຍລະອຽດຂອງສິ່ງເສດເຫຼືອ > ລາຍການສິ່ງເສດເຫຼືອ           4. ກົດປຸ່ມ ຮູບຕາ ທີ່ລາຍການສິ່ງເສດເຫຼືອ ທີ່ຕ້ອງການເພີ່ມປະລິມານສິ່ງເສດເຫຼືອ ຕົວຢ່າງຕ້ອງການເພີ່ມປະລິມານສິ່ງເຫຼືອປະເພດເປັນພິດອັນຕະລາຍ ກໍ່ໃຫ້ກົດທີ່ລາຍການສິ່ງເສດເຫຼືອເປັນພິດອັນຕະລາຍ           5. ເລືອກໜ້າ “ສິ່ງເສດເຫຼືອທີ່ຢູ່ໃນລາຍການ”            6. ກົດປຸ່ມ ຮູບຕາ ທີ່ຊະນິດສິ່ງເສດເຫຼືອທີ່ຕ້ອງການເພີ່ມປະລິມານ             7. ກົດປຸ່ມ “Extend” ໃນຊ່ອງຂອງ Quota Waste (Kg/year)           8. ໃສ່ນ້ຳໜັກທີ່ຂໍມາໃໝ່            9. ກົດປຸ່ມ “ສົ່ງຄຳຂໍ” ໝາຍເຫດ:  – ນ້ຳໜັກທີ່ຂໍມາໃໝ່ຕ້ອງຫລາຍກວ່ານ້ຳໜັກເກົ່າ – ເມື່ອກົດ “ສົ່ງຄຳຂໍ” ເພີ່ມປະລິມານສິ່ງເສດເຫຼືອແລ້ວ ຜູ້ຄຸ້ມຄອງຂໍ້ມູນ (WS) ຈະຄົ້ນຄວ້າ ແລະ ອະນຸມັດຄຳຂໍ ໂດຍຜູ້ສ້າງສິ່ງເສດເຫຼືອ (WG) ສາມາດຕິດຕາມການອະນຸມັດຄຳຂໍ ແລະ ປະຫວັດການຂໍເພີ່ມປະລິມານສິ່ງເສດເຫຼືອໄດ້ໂດຍ ກົດເຂົ້າໄປແຖບດ້ານຂ້າງ > ລາຍລະອຽດສິ່ງເສດເຫຼືອ > ການຂໍຕໍ່ລາຍການສິ່ງເສດເຫຼືອ

ການເພີ່ມຊະນິດສິ່ງເສດເຫຼືອ (Add Waste categories)           ຜູ້ສ້າງສິ່ງເສດເຫຼືອ (WG) ສາມາດເພີ່ມຊະນິດສິ່ງເສດເຫຼືອ (Add Waste Categories) ເຂົ້າໄປໃນລາຍການສິ່ງເສດເຫຼືອ (Waste Catalog) ຕາມຂັ້ນຕອນດັ່ງຕໍ່ໄປນີ້:           1. ເຂົ້າສູ່ລະບົບຜ່ານ https://wg.emac-lao.com/login/           2. ໃສ່ອີເມວ ແລະ ລະຫັດຜ່ານທີ່ໄດ້ຮັບຈາກການຂື້ນທະບຽນກັບສູນວິຊາການດ້ານຈັດການສິ່ງແວດລ້ອມ EMAC           3. ເຂົ້າໄປແຖບດ້ານຂ້າງ > ລາຍລະອຽດຂອງສິ່ງເສດເຫຼືອ > ລາຍການສິ່ງເສດເຫຼືອ           4. ກົດປຸ່ມ ຮູບຕາ ທີ່ລາຍການສິ່ງເສດເຫຼືອ ທີ່ຕ້ອງການເພີ່ມຊະນິດສິ່ງເສດເຫຼືອ ຕົວຢ່າງຕ້ອງການເພີ່ມສິ່ງເສດເຫຼືອຊະນິດເປັນພິດອັນຕະລາຍຕ້ອງກົດທີ່ລາຍການສິ່ງເສດເຫຼືອເປັນພິດອັນຕະລາຍ           5. ເລືອກໜ້າ “ສິ່ງເສດເຫຼືອທີ່ຢູ່ໃນລາຍການ”            6. ກົດປຸ່ມ “ແກ້ໄຂ”            7. ເພີ່ມຊະນິດສິ່ງເສດເຫຼືອ ໂດຍວິທີດັ່ງຕໍ່ໄປນີ້:                7.1. ກົດປຸ່ມ “ເພີ່ມ+”                7.2. ພິມລະຫັດສິ່ງເສດເຫຼືອ 6 ຫຼັກ                7.3. ໃສ່ປະລິມານສິ່ງເສດເຫຼືອທີ່ຄາດວ່າຈະເກີດຂື້ນ ແລະ ນຳອອກໄປກຳຈັດພາຍນອກພາຍໃນປີດັ່ງກ່າວທີ່ຊ່ອງ “ນ້ຳໜັກທີ່ກຳນົດໄວ້ (ກິໂລ/ປີ)”                7.4. ໃສ່ຊື່ສິ່ງເສດເຫຼືອໃນຊ່ອງ “ລາຍລະອຽດສະເພາະ” ຊື່ດັ່ງກ່າວຈະສະແດງໃນໃບຕິດຕາມການຂົນສົ່ງ ຫຼື Manifest                7.5. ກົດປຸ່ມ “ເພີ່ມ +” ເພື່ອເພີ່ມສິ່ງເສດເຫຼືອ                7.6. ເຮັດຊ້ຳຂັ້ນຕອນທີ 7.1 – 7.5 ຈົນກວ່າສິ່ງເສດເຫຼືອຈະຖືກເພີ່ມຈົນຄົບທຸກຊະນິດ ໝາຍເຫດ:      –  ຊື່ຂອງສິ່ງເສດເຫຼືອທີ່ໂຮງງານຕັ້ງຂື້ນບໍ່ສາມາດປ່ຽນແປງໄດ້ ຈົນກວ່າຈະມີການສ້າງລາຍການໃຫມ່ໃນປີຕໍ່ໄປ    –  ລາຍລະອຽດຂອງສິ່ງເສດເຫຼືອ ໝາຍເຖິງ ຊື່ກາງຂອງສິ່ງເສດເຫຼືອຕາມລະບົບສາກົນ ຜູ້ສ້າງສິ່ງເສດເຫຼືອສາມາດຕັ້ງຊື່ຕາມຊື່ດັ່ງກ່າວ ຫຼື ນຳໃຊ້ຊື່ສະເພາະທີ່ຕົວເອງໃຊ້ເອີ້ນໄດ້    –  ສ້າງວັນທີ ໝາຍເຖິງ ວັນທີທີ່ເພີ່ມສິ່ງເສດເຫຼືອເຂົ້າໄປໃນລາຍການໂດຍຈະສະແດງອັດຕະໂນມັດ    –  ວັນທີໝົດອາຍຸ ໝາຍເຖິງ ວັນທີໝົດອາຍຸການຈັດເກັບສິ່ງເສດເຫຼືອຊະນິດດັ່ງກ່າວ ໂດຍຈະຄິດໄລ່ອັດຕະໂນມັດນັບຈາກວັນທີເພີ່ມສິ່ງເສດເຫຼືອເຂົ້າໄປໃນລາຍການ 90 ມື້ ເຊີ່ງຜູ້ສ້າງສິ່ງເສດເຫຼືອ (WG) ຕ້ອງຂົນສິ່ງເສດເຫຼືອອອກໄປກຳຈັດກ່ອນວັນທີດັ່ງກ່າວ ຫຼື ຕ້ອງຂໍຂະຫຍາຍເວລາຈັດເກັບຖ້າມີຄວາມຈຳເປັນ           8. ກົດປຸ່ມ “ບັນທຶກ”  ໝາຍເຫດ:            – ເມື່ອກົດ “+ ບັນທຶກ” ສິ່ງເສດເຫຼືອຊະນິດດັ່ງກ່າວຈະໄດ້ຮັບສະຖານະເປັນ “ໂຄງຮ່າງ” ໂດຍຜູ້ຄຸ້ມຄອງຂໍ້ມູນ (WS) ຈະກວດກາຄວາມຖືກຕ້ອງແລ້ວອະນຸມັດ ເມື່ອອະນຸມັດແລ້ວ ສະຖານະສິ່ງເສດເຫຼືອຊະນິດດັ່ງກ່າວຈະປ່ຽນເປັນ “ກຳລັງໃຊ້ງານ”

ການແຈ້ງການຂົນສົ່ງສິ່ງເສດເຫຼືອ (Create Manifest)           ພາຍຫຼັງຜູ້ສ້າງສິ່ງເສດເຫຼືອ (WG) ສ້າງລາຍການສິ່ງເສດເຫຼືອ (Create catalog) ແລ້ວ ກ່ອນຈະເຮັດການຂົນສົ່ງສິ່ງເສດເຫຼືອອຸດສາຫະກຳ ຕ້ອງແຈ້ງການຂົນສົ່ງສິ່ງເສດເຫຼືອ (Create Manifest) ຕາມຂັ້ນຕອນດັ່ງຕໍ່ໄປນີ້:           1. ເຂົ້າສູ່ລະບົບຜ່ານ https://wg.emac-lao.com/login/           2. ໃສ່ອີເມວ ແລະ ລະຫັດຜ່ານທີ່ໄດ້ຮັບຈາກການຂື້ນທະບຽນກັບສູນວິຊາການດ້ານຈັດການສິ່ງແວດລ້ອມ EMAC           3. ເຂົ້າໄປແຖບດ້ານຂ້າງ > Manifest           4. ກົດປຸ່ມ “+ Create Manifest”           5. ເລືອກປະເພດຂອງລາຍການສິ່ງເສດເຫຼືອ ທີ່ຈະເຮັດການຂົນສົ່ງ ໂດຍມີໃຫ້ເລືອກຢູ່ 2 ຢ່າງຄື: NHz ສຳລັບສິ່ງເສດເຫຼືອບໍ່ເປັນພິດອັນຕະລາຍ ແລະ Hz ສຳລັບສິ່ງເສດເຫຼືອເປັນພິດອັນຕະລາຍ           6. ໃສ່ລາຍລະອຽດຂອງການຂົນສົ່ງ (ຖ້າມີ) ກໍລະນີບໍ່ມີໃຫ້ພິມ “-“           7. ເລືອກວັນທີທີ່ຈະເຮັດການຂົນສົ່ງ           8. ໃສ່ລະຫັດອຸປະກອນຊີນລົດຂົນສົ່ງ (Security seal) (ຖ້າມີ) ກໍລະນີບໍ່ມີໃຫ້ພິມ “-“ ໝາຍເຫດ:           –  ອຸປະກອນຊີນລົດຂົນສົ່ງ (Security seal) ໃຊ້ເພື່ອຄວາມປອດໄພ ແລະ ປ້ອງກັນການລັກລອບຖີ້ມສິ່ງເສດເຫຼືອລະຫວ່າງຂົນສົ່ງ ສຳລັບການຂົນສົ່ງທີ່ມີໄລຍະທາງໄກ ໂດຍຈະໃສ່ Security seal ໄວ້ຕັ້ງແຕ່ຕົ້ນທາງໂດຍຜູ້ສ້າງສິ່ງເສດເຫຼືອ (WG) ເມື່ອສິ່ງເສດເຫຼືອຮອດປາຍທາງແລ້ວ ຜູ້ບຳບັດ-ກຳຈັດ (WD) ຈະກວດກາສະພາບຊີນ ແລະ ຄວາມຖືກຕ້ອງຂອງລະຫັດຊີນກ່ອນຮັບສິ່ງເສດເຫຼືອ           9. ເພີ່ມສິ່ງເສດເຫຼືອທີ່ຈະເຮັດການຂົນສົ່ງໃນຮອບດັ່ງກ່າວ ໂດຍວິທີດັ່ງຕໍ່ໄປນີ້:                9.1. ເລືອກຊະນິດສິ່ງເສດເຫຼືອຈາກລາຍການທີ່ໄດ້ສ້າງໄວ້ແລ້ວ / ເບີ່ງຂັ້ນຕອນການສ້າງລາຍການສິ່ງເສດເຫຼືອ (Create Catalog) => Click                 9.2. ປະເພດພາຊະນະບັນຈຸສິ່ງເສດເຫຼືອ ໂດຍມີໃຫ້ເລືອກດັ່ງຕໍ່ໄປນີ້:           – ຖັງ 200 ລິດ (Drum)           – ຖັງ 20 ລິດຂື້ນໄປ (Jerrican)           – ຖັງແກລລອນຂະໜາດນ້ອຍ (Gallon)           – ຖັງ 1,000 ລິດ (IBC Tank)           – ຖັງຂີ້ເຫຍື້ອ (Waste bin)           – ຖັງລັກເກີ (Lugger)           – ກ່ອງ (Box)           – ທໍ່ (Cylinder)           – ຖົງຂະໜາດໃຫຍ່ (Big bag)           – ກອງ ຫຼື ພາເລດ (Bulk or pallet)           – ແທັງທີ່ຍົກ ແລະ ເຄື່ອນຍ້າຍໄດ້ (Tank Container)           – ອື່ນໆ (Other)                9.3. ລະບຸປະເພດພາຊະນະ ກໍລະນີທີ່ເລືອກພາຊະນະອື່ນໆ (Other) ໃນຂໍ້ 9.2                9.4. ລະບຸປະລິມານສິ່ງເສດເຫຼືອ ຕົວຢ່າງຮູບດ້ານລຸ່ມ ໝາຍເຖິງ ມີສິ່ງເສດເຫຼືອຊະນິດເສດກາວ ຈຳນວນ 5 ຖົງ                9.5. ລະບຸນ້ຳໜັກລວມຂອງສິ່ງເສດເຫຼືອຊະນິດດັ່ງກ່າວ ຕົວຢ່າງຮູບດ້ານລຸ່ມ ໝາຍເຖິງ ມີສິ່ງເສດເຫຼືອຊະນິດເສດກາວ ຈຳນວນລວມທັງໝົດ 410 ກິໂລກຮາມ                9.6. ເລືອກສະຖານະສິ່ງເສດເຫຼືອ ໂດຍມີໃຫ້ເລືອກຢູ່ 2 ຢ່າງຄື: ທາດແຂງ (Solid) ແລະ ທາດແຫຼວ (Liquid)                 9.7. ກົດປຸ່ມ “+ ເພີ່ມ” ເພື່ອເພີ່ມສິ່ງເສດເຫຼືອ                9.8. ເຮັດຊ້ຳຂັ້ນຕອນທີ 9.1 – 9.7 ຈົນກວ່າສິ່ງເສດເຫຼືອທີ່ຈະຂົນສົ່ງຈະຖືກເພີ່ມຈົນຄົບທຸກຊະນິດ ໝາຍເຫດ:            – ກໍລະນີທີ່ຕ້ອງການສົ່ງສິ່ງເສດເຫຼືອທີ່ບໍ່ມີໃນລາຍການສິ່ງເສດເຫຼືອ (Catalog) ໃຫ້ຜູ້ສ້າງສິ່ງເສດເຫຼືອ (WG) ເພີ່ມຊະນິດສິ່ງເສດເຫຼືອເຂົ້າມາໃນລາຍການ / ເບີ່ງຂັ້ນຕອນການເພີ່ມຊະນິດສິ່ງເສດເຫຼືອ (Add Waste categories) => Click – ກໍລະນີສິ່ງເສດເຫຼືອທີ່ຈະເຮັດການຂົນສົ່ງ ມີປະລິມານຫຼາຍກວ່າປະລິມານສິ່ງເສດເຫຼືອທີ່ສາມາດຂົນສົ່ງໄດ້ໃນລະບົບ ຈະມີແຈ້ງເຕືອນວ່າ Error Out limit of weight that you have provided ໃຫ້ຜູ້ສ້າງສິ່ງເສດເຫຼືອ (WG) ເພີ່ມປະລິມານສິ່ງເສດເຫຼືອໃນລາຍການ / ເບີ່ງຂັ້ນຕອນການເພີ່ມປະລິມານສິ່ງເສດເຫຼືອໃນລາຍການ (Extend the quota) => Click           10. ລະບຸຜູ້ຂົນສົ່ງສິ່ງເສດເຫຼືອ (WT) ດັ່ງຕໍ່ໄປນີ້:                10.1. ເລືອກຜູ້ຂົນສົ່ງ                10.2. ກົດປຸ່ມ “+ ເພີ່ມ”  ໝາຍເຫດ:            –  ກໍລະນີທີ່ຕ້ອງການຂົນສົ່ງສິ່ງເສດເຫຼືອໂດຍຜູ້ຂົນສົ່ງ (WT) ອື່ນ ທີ່ບໍ່ມີໃນລາຍການ ໃຫ້ຜູ້ສ້າງສິ່ງເສດເຫຼືອ (WG) ຕ້ອງເພີ່ມ WT ໃນລາຍການສິ່ງເສດເຫຼືອກ່ອນ / ເບີ່ງຂັ້ນຕອນການເພີ່ມຜູ້ຂົນສົ່ງສິ່ງເສດເຫຼືອ (WT) (Add Waste Transport) => Click           11. ລະບຸຜູ້ບຳບັດ-ກຳຈັດສິ່ງເສດເຫຼືອ (WD) ດັ່ງຕໍ່ໄປນີ້:                11.1. ເລືອກຜູ້ບຳບັດ-ກຳຈັດ                11.2. ກົດປຸ່ມ “+ ເພີ່ມ”  ໝາຍເຫດ:            –  ກໍລະນີທີ່ຕ້ອງການບຳບັດ-ກຳຈັດສິ່ງເສດເຫຼືອໂດຍຜູ້ບຳບັດ-ກຳຈັດ (WD) ອື່ນ ທີ່ບໍ່ມີໃນລາຍການ ໃຫ້ຜູ້ສ້າງສິ່ງເສດເຫຼືອ (WG) ຕ້ອງເພີ່ມ WD ໃນລາຍການສິ່ງເສດເຫຼືອກ່ອນ / ເບີ່ງຂັ້ນຕອນການເພີ່ມຜູ້ບຳບັດ-ກຳຈັດສິ່ງເສດເຫຼືອ (WD) (Add Waste Disposal) => Click           12. ກົດປຸ່ມ “+ ສ້າງ” ໝາຍເຫດ:            – ເມື່ອກົດ “+ ສ້າງ” ເອກະສານຕິດຕາມການຂົນສົ່ງ (Manifest) ຮຽບຮ້ອຍແລ້ວ, Manifest ສະບັບດັ່ງກ່າວຈະຂື້ນສະຖານະ “Draft” ໂດຍຜູ້ຄຸ້ມຄອງຂໍ້ມູນ (WS) ຈະກວດກາຄວາມຖືກຕ້ອງ ແລະ ຄົບຖ້ວນຂອງເອກະສານ ແລ້ວອະນຸມັດ ສະຖານະ Manifest ຈະປ່ຽນເປັນ “Requested” ຫຼັງຈາກນັ້ນ WT ແລະ WD ຕ້ອງເຂົ້າມາໃນລະບົບເພື່ອກົດຢືນຢັນການຂົນສົ່ງ ແລະ ບຳບັດກຳຈັດ ສະຖານະຈື່ງຈະປ່ຽນເປັນ “Ready” ໝາຍເຖິງກຽມພ້ອມທີ່ຈະເຮັດການຂົນສົ່ງແລ້ວ – WG ສາມາດແກ້ໄຂ Manifest ທີ່ຢູ່ໃນສະຖານະ “Draft” ໄດ້ ແຕ່ພາຍຫຼັງ Manifest ຖືກປ່ຽນສະຖານະເປັນ “Requested” ຈະບໍ່ສາມາດແກ້ໄຂຂໍ້ມູນພາຍໃນ Manifest ໄດ້ ກໍລະນີຕ້ອງການຍົກເລີກ ຫຼື ແກ້ໄຂ ກະລຸນາຕິດຕໍ່ຜູ້ຄຸ້ມຄອງຂໍ້ມູນ (WS) ສູນວິຊາການດ້ານການຈັດການສິ່ງແວດລ້ອມ (EMAC)

ຂັ້ນຕອນການຂົນສົ່ງສິ່ງເສດເຫຼືອອຸດສາຫະກຳຂອງສູນວິຊາການດ້ານການຈັດການສິ່ງແວດລ້ອມ (EMAC)           ຂັ້ນຕອນການຂົນສົ່ງສິ່ງເສດເຫຼືອອຸດສາຫະກຳຂອງສູນວິຊາການດ້ານການຈັດການສິ່ງແວດລ້ອມ (EMAC) ມີດັ່ງຕໍ່ໄປນີ້:                1. ຂື້ນທະບຽນນຳໃຊ້ລະບົບຕິດຕາມການຂົນສົ່ງສິ່ງເສດເຫຼືອອຸດສາຫະກຳ (EMAC ID Register): ຜູ້ສ້າງສິ່ງເສດເຫຼືອ (WG) ຕ້ອງກະກຽມບຸກຄົນເພື່ອມານຳໃຊ້ລະບົບດັ່ງກ່າວ;                2. ສ້າງລາຍການສິ່ງເສດເຫຼືອໃນລະບົບ (Create Catalog): ຜູ້ສ້າງສິ່ງເສດເຫຼືອ (WG) ຕ້ອງກະກຽມຂໍ້ມູນຊະນິດ, ປະລິມານຄາດການສິ່ງເສດເຫຼືອອຸດສາຫະກຳທີ່ເກີດຂື້ນຕໍ່ປີ ພ້ອມດ້ວຍປຶກສາຫາລືກັບວິຊາການຂອງ EMAC ເພື່ອກຳນົດລະຫັດສິ່ງເສດເຫຼືອຕາມລະບົບຂອງ European Waste Catalogue and Hazardous Waste List ຫຼື EWC-HWL (Click ເພື່ອເບີ່ງລະຫັດສິ່ງເສດເຫຼືອ) ໂດຍປະຕິບັດຕາມຂັ້ນຕອນດັ່ງນີ້ => Click;                  3. ແຈ້ງການຂົນສົ່ງສິ່ງເສດເຫຼືອ (Create Manifest): ຜູ້ສ້າງສິ່ງເສດເຫຼືອ (WG) ຕ້ອງແຈ້ງຂໍ້ມູນຊະນິດສິ່ງເສດເຫຼືອທີ່ຈະຂົນສົ່ງ, ປະລິມານ, ການບັນຈຸ, ວັນທີທີ່ຈະຂົນສົ່ງ, ເລືອກຜູ້ຂົນສົ່ງ (WT) ແລະ ຜູ້ບຳບັດ-ກຳຈັດ (WD) ທີ່ໄດ້ຂື້ນທະບຽນໃນລະບົບແລ້ວ ໂດຍປະຕິບັດຕາມຂັ້ນຕອນດັ່ງນີ້ => Click;                4. ກວດກາຄວາມຖືກຕ້ອງຂອງຂໍ້ມູນ: ຜູ້ຄຸ້ມຄອງຂໍ້ມູນ (WS) ກວດກາຄວາມຖືກຕ້ອງ ແລະ ຄົບຖ້ວນຂອງຂໍ້ມູນກ່ອນອະນຸມັດຂໍ້ມູນເຂົ້າສູ່ລະບົບ;                  5. ຜູ້ຂົນສົ່ງ (WT) ຕອບຮັບການຂົນສົ່ງ: ຜູ້ຂົນສົ່ງສິ່ງເສດເຫຼືອຕອບຮັບເພື່ອຢືນຢັນການຂົນສົ່ງໃນວັນທີຖືກລະບຸໄວ້ໃນ Manifest ພ້ອມທັງລະບຸລົດທີ່ຈະນຳໃຊ້ ແລະ ຄົນຂັບ;                6. ຜູ້ບຳບັດ-ກຳຈັດ (WD) ຕອບຮັບການບຳບັດ-ກຳຈັດ: ຜູ້ບຳບັດ-ກຳຈັດສິ່ງເສດເຫຼືອຕອບຮັບເພື່ອຢືນຢັນການຮັບບຳບັດ-ກຳຈັດສິ່ງເສດເຫຼືອທີ່ຖືກລະບຸໄວ້ໃນ Manifest;                7.  ຂົນສົ່ງສິ່ງເສດເຫຼືອ:                     7.1. ຜູ້ສ້າງສິ່ງເສດເຫຼືອ (WG) ສະແກນ QR Code ເພື່ອຍັ້ງຢືນການສົ່ງສິ່ງເສດເຫຼືອໃຫ້ແກ່ຜູ້ຂົນສົ່ງ (WT)                     7.2. ເມື່ອສິ່ງເສດເຫຼືອຖືກຂົນສົ່ງຮອດສະຖານທີ່ປາຍທາງແລ້ວຜູ້ກຳຈັດ-ບຳບັດສິ່ງເສດເຫຼືອ (WD) ກວດກາຄວາມຖືກຕ້ອງຂອງສິ່ງເສດເຫຼືອ ແລະ ຊັ່ງນ້ຳໜັກ ແລ້ວສະແກນ QR Code ເພື່ອຍັ້ງຢືນການຮັບສິ່ງເສດເຫຼືອຈາກຜູ້ຂົນສົ່ງ (WT);                8. ຮັບຮອງຂໍ້ມູນ: ຜູ້ຕິດຕາມກວດກາ (WR) ກວດກາຄວາມຖືກຕ້ອງຂອງການຂົນສົ່ງ ແລະ ຮັບຮອງເອກະສານຕິດຕາມການຂົນສົ່ງ; ໝາຍເຫດ: – ການຂື້ນທະບຽນນຳໃຊ້ລະບົບຕິດຕາມການຂົນສົ່ງສິ່ງເສດເຫຼືອອຸດສາຫະກຳ (EMAC ID Register) ແມ່ນເຮັດຄັ້ງດຽວ – ການສ້າງລາຍການສິ່ງເສດເຫຼືອ (Create catalog) ແມ່ນເຮັດປີລ່ະຄັ້ງ ແຕ່ສາມາດເພີ່ມຊະນິດສິ່ງເສດເຫຼືອ (Add Waste categories) ພາຍຫຼັງໄດ້ ໂດຍຜ່ານການຮັບຮອງໂດຍຜູ້ຄຸ້ມຄອງຂໍ້ມູນ (WS) ຂອງ EMAC – ການແຈ້ງການຂົນສົ່ງສິ່ງເສດເຫຼືອ (Create Manifest) ຕ້ອງເຮັດທຸກຄັ້ງກ່ອນການຂົນສົ່ງສິ່ງເສດເຫຼືອອຸດສາຫະກຳ

ການສ້າງລາຍການສິ່ງເສດເຫຼືອ (Create Catalog)           ກ່ອນຈະນຳໃຊ້ລະບົບຕິດຕາມການຂົນສົ່ງສິ່ງເສດເຫຼືອ (Manifest System) ຜູ້ສ້າງສິ່ງເສດເຫຼືອ (WG) ຕ້ອງໄຈ້ແຍກສິ່ງເສດເຫຼືອທີ່ເກີດຂື້ນພາຍໃນສະຖານປະກອບການ ແລະ ກຳນົດລະຫັດສິ່ງເສດເຫຼືອກ່ອນ ຫຼັງຈາກນັ້ນຈື່ງແຈ້ງລາຍການດັ່ງກ່າວເຂົ້າມາໃນລະບົບ ໂດຍການສ້າງລາຍການສິ່ງເສດເຫຼືອ (Create catalog) ຕາມຂັ້ນຕອນດັ່ງຕໍ່ໄປນີ້:           1. ເຂົ້າສູ່ລະບົບຜ່ານ https://wg.emac-lao.com/login/           2. ໃສ່ອີເມວ ແລະ ລະຫັດຜ່ານທີ່ໄດ້ຮັບຈາກການຂື້ນທະບຽນກັບສູນວິຊາການດ້ານຈັດການສິ່ງແວດລ້ອມ EMAC           3. ເຂົ້າໄປແຖບດ້ານຂ້າງ > ລາຍລະອຽດຂອງສິ່ງເສດເຫຼືອ > ລາຍການສິ່ງເສດເຫຼືອ           4. ກົດປຸ່ມ “ສ້າງລາຍການສິ່ງເສດເຫຼືອ”           5. ເລືອກປະເພດຂອງລາຍການສິ່ງເສດເຫຼືອ ໂດຍມີໃຫ້ເລືອກຢູ່ 2 ຢ່າງຄື: NHz ສຳລັບສິ່ງເສດເຫຼືອບໍ່ເປັນພິດອັນຕະລາຍ ແລະ Hz ສຳລັບສິ່ງເສດເຫຼືອເປັນພິດອັນຕະລາຍ           6. ໃສ່ຊື່ລາຍການ ເຊັ່ນ: ລາຍການສິ່ງເສດເຫຼຶອບໍ່ເປັນພິດອັນຕະລາຍ ຫຼື ລາຍການສິ່ງເສດເຫຼືອເປັນພິດອັນຕະລາຍ ເປັນຕົ້ນ           7. ໃສ່ຄຳອະທິບາຍຂອງລາຍການ ກໍລະນີບໍ່ຕ້ອງການໃສ່ໃຫ້ພິມ “-”   ໝາຍເຫດ:           –  ຜູ້ສ້າງສິ່ງເສດເຫຼືອ (WG) ສາມາດສ້າງລາຍການສິ່ງເສດເຫຼືອຂື້ນມາໄດ້ ປະເພດລ່ະ 1 ລາຍການເທົ່ານັ້ນ (ໃນລາຍການດັ່ງກ່າວປະກອບດ້ວຍສິ່ງເສດເຫຼືອຫລາຍຊະນິດ)          –  ວັນທີລາຍການໝົດອາຍຸ ໝາຍເຖິງ ວັນທີໝົດອາຍຸຂອງລາຍການສິ່ງເສດເຫຼືອ ເຊິ່ງຈະຖືກກຳນົດໄວ້ອັດຕະໂນມັດເປັນວັນທີ 31 ທັນວາ ຂອງປີນັ້ນໆ ພາຍຫຼັງທີ່ລາຍການໝົດອາຍຸຜູ້ສ້າງສິ່ງເສດເຫຼືອ (WG) ຈະຕ້ອງສ້າງລາຍການສິ່ງເສດເຫຼືອທັງໝົດຂື້ນມາໃຫມ່ ຈື່ງຈະສາມາດນຳໃຊ້ລະບົບຕິດຕາມການຂົນສົ່ງສິ່ງເສດເຫຼືອ (Manifest) ໄດ້.           8. ເພີ່ມສິ່ງເສດເຫຼືອແຕ່ລ່ະຊະນິດທີ່ຢູ່ໃນໂຮງງານເຂົ້າໄປໃນລາຍການດັ່ງຕໍ່ໄປນີ້:                8.1. ພິມລະຫັດສິ່ງເສດເຫຼືອ 6 ຫຼັກ                8.2. ໃສ່ຊື່ສິ່ງເສດເຫຼືອໃນຊ່ອງ “ລາຍລະອຽດສະເພາະ” ຊື່ດັ່ງກ່າວຈະສະແດງໃນໃບຕິດຕາມການຂົນສົ່ງ ຫຼື Manifest                8.3. ໃສ່ປະລິມານສິ່ງເສດເຫຼືອທີ່ຄາດວ່າຈະເກີດຂື້ນ ແລະ ນຳອອກໄປກຳຈັດພາຍນອກພາຍໃນປີດັ່ງກ່າວທີ່ຊ່ອງ “ນ້ຳໜັກທີ່ກຳນົດໄວ້ (ກິໂລ/ປີ)”                8.4. ກົດປຸ່ມ “+ ADD” ເພື່ອເພີ່ມສິ່ງເສດເຫຼືອ                8.5. ເຮັດຊ້ຳຂັ້ນຕອນທີ 8.1 – 8.4 ຈົນກວ່າສິ່ງເສດເຫຼືອຈະຖືກເພີ່ມຈົນຄົບທຸກຊະນິດ ໝາຍເຫດ:            –  ຊື່ຂອງສິ່ງເສດເຫຼືອທີ່ໂຮງງານຕັ້ງຂື້ນບໍ່ສາມາດປ່ຽນແປງໄດ້ ຈົນກວ່າຈະມີການສ້າງລາຍການໃຫມ່ໃນປີຕໍ່ໄປ          –  ລາຍລະອຽດຂອງສິ່ງເສດເຫຼືອ ໝາຍເຖິງ ຊື່ກາງຂອງສິ່ງເສດເຫຼືອຕາມລະບົບສາກົນ ຜູ້ສ້າງສິ່ງເສດເຫຼືອສາມາດຕັ້ງຊື່ຕາມຊື່ດັ່ງກ່າວ ຫຼື ນຳໃຊ້ຊື່ສະເພາະທີ່ຕົວເອງໃຊ້ເອີ້ນໄດ້          – ປະເພດຂອງສິ່ງເສດເຫຼືອ ໝາຍເຖິງ ສິ່ງເສດເຫຼືອເປັນພິດອັນຕະລາຍ (Hz) ຫຼື ສິ່ງເສດເຫຼືອບໍ່ເປັນພິດອັນຕະລາຍ (NHz) ເຊິ່ງຈະສະແດງອັດຕະໂນມັດຕາມປະເພດລາຍການສິ່ງເສດເຫຼືອທີ່ເລືອກສ້່ງ           –  ສ້າງວັນທີ ໝາຍເຖິງ ວັນທີທີ່ເພີ່ມສິ່ງເສດເຫຼືອເຂົ້າໄປໃນລາຍການໂດຍຈະສະແດງອັດຕະໂນມັດ          –  ວັນທີໝົດອາຍຸ ໝາຍເຖິງ ວັນທີໝົດອາຍຸການຈັດເກັບສິ່ງເສດເຫຼືອຊະນິດດັ່ງກ່າວ ໂດຍຈະຄິດໄລ່ອັດຕະໂນມັດນັບຈາກວັນທີເພີ່ມສິ່ງເສດເຫຼືອເຂົ້າໄປໃນລາຍການ 90 ມື້ ເຊີ່ງຜູ້ສ້າງສິ່ງເສດເຫຼືອ (WG) ຕ້ອງຂົນສິ່ງເສດເຫຼືອອອກໄປກຳຈັດກ່ອນວັນທີດັ່ງກ່າວ ຫຼື ຕ້ອງຂໍຂະຫຍາຍເວລາຈັດເກັບຖ້າມີຄວາມຈຳເປັນ           9. ເພີ່ມລາຍຊື່ຜູ້ຂົນສົ່ງສິ່ງເສດເຫຼືອ (WT) ເຂົ້າໄປໃນລາຍການດັ່ງຕໍ່ໄປນີ້:                9.1. ເລືອກຜູ້ຂົນສົ່ງທີ່ຢູ່ໃນລະບົບຕິດຕາມການຂົນສົ່ງສິ່ງເສດເຫຼືອ                 9.2. ກົດປຸ່ມ “+ ເພີ່ມ”                 9.3. ເຮັດຊ້ຳຂັ້ນຕອນທີ 9.1. – 9.2. ຈົນກວ່າຜູ້ຂົນສົ່ງສິ່ງເສດເຫຼືອຈະຖືກເພີ່ມຈົນຄົບ           10. ເພີ່ມລາຍຊື່ຜູ້ບຳບັດ-ກຳຈັດສິ່ງເສດເຫຼືອ (WD) ເຂົ້າໄປໃນລາຍການດັ່ງຕໍ່ໄປນີ້:                10.1. ເລືອກຜູ້ບຳບັດ-ກຳຈັດ (WD) ທີ່ຢູ່ໃນລະບົບຕິດຕາມການຂົນສົ່ງສິ່ງເສດເຫຼືອ                 10.2. ກົດປຸ່ມ “+ ເພີ່ມ”                 10.3. ເຮັດຊ້ຳຂັ້ນຕອນທີ 10.1. – 10.2. ຈົນກວ່າຜູ້ບຳບັດ-ກຳຈັດສິ່ງເສດເຫຼືອຈະຖືກເພີ່ມຈົນຄົບ           11. ກົດປຸ່ມ “+ ສ້າງ” ເພີ່ມບັນທຶກລາຍການ   ໝາຍເຫດ:            –  ເມື່ອກົດ “+ ສ້າງ” ລາຍການສິ່ງເສດເຫຼືອດັ່ງກ່າວຈະຂື້ນສະຖານະ “Draft” ຜູ້ຄຸ້ມຄອງຂໍ້ມູນ (WS) ຈະກວດກາຄວາມຖືກຕ້ອງ ແລະ ຄົບຖ້ວນຂອງລາຍການ, ເມື່ອລາຍການດັ່ງກ່າວໄດ້ຮັບການອະນຸມັດແລ້ວຈະປ່ຽນເປັນສະຖານະ “Active”

ຄຸນລັກສະນະຂອງສິ່ງເສດເຫຼືອເປັນພິດ ແລະ ອັນຕະລາຍ           ບົດແນະນຳ ກ່ຽວກັບການຄຸ້ມຄອງສິ່ງເສດເຫຼືອເປັນພິດ ແລະ ອັນຕະລາຍ ສະບັບເລກທີ 0744/ກຊສ, ລົງວັນທີ 11 ກຸມພາ 2015 ເພື່ອໃຫ້ຄວາມກະຈ່າງແຈ້ງ ແລະ ຈັດປະເພດກ່ຽວກັບສິ່ງເສດເຫຼືອເປັນພິດ ແລະ ອັນຕະລາຍ ເຊີ່ງໄດ້ລະບຸໃຫ້ສິ່ງເສດເຫຼືອທີ່ບັນຈຸທາດທີ່ມີໜື່ງ ຫຼື ຫຼາຍຄຸນລັກສະນະຄວາມເປັນພິດ ຫຼື ສາມາດປ່ອຍບັນດາທາດທີ່ມີຄຸນລັກສະນະຄວາມເປັນພິດຄ້າຍຄຽງ ຫຼື ທຽບເທົ່າກັນໄດ້ຈັດເປັນປະເພດສິ່ງເສດເຫຼືອເປັນພິດ ແລະ ອັນຕະລາຍດັ່ງນີ້: ສາມາດລະເບີດ; ໄວໄຟ (ເກີດໄຟໄດ້ງ່າຍ); ມີປະຕິກິລິຍາກັບອາກາດ (ອອກຊິໄດສ໌); ເປັນພິດເບື່ອ (ທັນທີທັນໃດ ຫຼື ຊຳເຮື້ອ, ອາດກໍ່ໃຫ້ເກີດມະເຮັງ, ສາມາດກໍ່ໃຫ້ເກີດການປ່ຽນພັນທຸກຳໄດ້); ສາມາດພາໃຫ້ຕິດເຊື້ອໄດ້; ສາມາດເກີດໝ້ຽງໄດ້; ແລະ ເປັນພິດຕໍ່ລະບົບນິເວດ           ນອກຈາກນັ້ນ, ກ່ອງ ຫຼື ພັດສະດຸຫຸ້ມຫໍ່ ທີ່ຖືກປົນເປື້ອນກັບ ບັນດາທາດທີ່ມີຄຸນລັກສະນະຄວາມເປັນພິດກໍ່ຈັດເປັນສິ່ງເສດເຫຼືອເປັນພິດ ແລະ ອັນຕະລາຍ           ໂດຍບົດແນະນຳສະບັບດັ່ງກ່າວຍັງໄດ້ກຳນົດລະດັບຄວາມເຂັ້ມຂຸ້ນ ຫຼື ຄຸນລັກສະນະຂອງສິ່ງເສດເຫຼືອເປັນພິດ ແລະ ອັນຕະລາຍດັ່ງນີ້: ຈຸດສາມາດເກີດໄຟໄດ້ ≤ 55ºC; ບັນຈຸທາດເຄມີປະເພດເປັນພິດສູງ ຢູ່ໃນລະດັບຄວາມເຂັ້ມຂຸ້ມລວມ ≥ 0.1%; ບັນຈຸທາດເຄມີປະເພດເປັນພິດ ຢູ່ໃນລະດັບຄວາມເຂັ້ມຂຸ້ນລວມ ≥ 3%; ບັນຈຸທາດເຄມີອັນຕະລາຍ ຢູ່ໃນລະດັບຄວາມເຂັ້ມຂຸ້ນລວມ ≥ 25%; ບັນຈຸທາດເຄມີກັດຫ້ຽນທີ່ເຮັດໃຫ້ເກີດການເຜົາໄໝ້ຮ້າຍແຮງ ຢູ່ໃນລະດັບຄວາມເຂັ້ມຂຸ້ນລວມ ≥ 1%; ບັນຈຸທາດເຄມີກັດຫ້ຽນທີ່ເຮັດໃຫ້ເກີດການເຜົາໄໝ້ ຢູ່ໃນລະດັບຄວາມເຂັ້ມຂຸ້ນລວມ ≥ 5%; ບັນຈຸທາດເຄມີທີ່ເຮັດໃຫ້ລະຄາຍເຄືອງຕາຢ່າງຮ້າຍແຮງ ຢູ່ໃນລະດັບຄວາມເຂັ້ມຂຸ້ນລວມ ≥ 10%; ບັນຈຸທາດເຄມີທີ່ເຮັດໃຫ້ລະຄາຍເຄືອງຕາ, ລະບົບຫາຍໃຈ ແລະ ຜິວໜັງ ຢູ່ໃນລະດັບຄວາມເຂັ້ມຂຸ້ນລວມ ≥ 20% ແລະ ບັນຈຸທາດເຄມີທີ່ເຮັດໃຫ້ເກີດມະເຮັງ ຢູ່ໃນລະດັບຄວາມເຂັ້ມຂຸ້ນລວມ ≥ 0.1%.           ໃນກໍລະນີສິ່ງເສດເຫຼືອບັນຈຸຫຼາຍທາດເຄມີອັນຕະລາຍເຊິ່ງມີຄຸນລັກສະນະຄວາມເປັນອັນຕະລາຍທີ່ຄ້າຍກັນຄວາມເຂັ້ມຂຸ້ນຈະຖືກຄິດໄລ່ລວມເຂົ້າກັນ.           ພາຊະນະບັນຈຸເປົ່າທີ່ຖືກປົນເປື້ອນຈາກທາດເຄມີເປັນພິດ ແລະ ອັນຕະລາຍ ແມ່ນຖືກພິຈາລະນາໃຫ້ເປັນສິ່ງເສດເຫຼືອເປັນພິດ ແລະ ອັນຕະລາຍ.           ດິນ ແລະ ວັດຖຸອື່ນ ທີ່ຖືກປົນເປື້ອນ ທາດເຄມີເປັນພິດ ແລະ ອັນຕະລາຍ ແມ່ນຖືກພິຈາລະນາເປັນສິ່ງເສດເຫຼືອເປັນພິດ ແລະ ອັນຕະລາຍ ເວັ້ນແຕ່ເຈົ້າຂອງທີ່ດິນ ແລະ ວັດຖຸອື່ນໆເຫຼົ່ານັ້ນ ສາມາດຢັ້ງຢືນໄດ້ວ່າຄຸນລັກສະນະແມ່ນຕ່ຳກວ່າລະດັບຄວາມເຂັ້ມຂຸ້ນທີ່ໄດ້ກຳນົດໂດຍບັນດາຂະແໜງການທີ່ກ່ຽວຂ້ອງ  ດາວໂຫລດເອກະສານອ້າງອິງ ບົດແນະນຳ ກ່ຽວກັບການຄຸ້ມຄອງສິ່ງເສດເຫຼືອເປັນພິດ ແລະ ອັນຕະລາຍ ສະບັບເລກທີ 0744/ກຊສ download

Uniform Waste Manifest ແມ່ນຫຍັງ? Manifest ຄື ເອກະສານຕິດຕາມການຂົນສົ່ງສິ່ງເສດເຫຼືອ ໝາຍເຖິງ ເອກະສານທີ່ອອກໃຫ້ຜູ້ສ້າງສິ່ງເສດເຫຼືອ (Waste Generator), ຜູ້ຂົນສົ່ງສິ່ງເສດເຫຼືອ (Waste Transporter) ແລະ ຜູ້ບໍາບັດ-ກໍາຈັດສິ່ງເສດເຫຼືອ (Waste Disposal) ເພື່ອເປັນຫຼັກຖານໃນການມອບ-ຮັບສິ່ງເສດເຫຼືອທີ່ຢູ່ໃນການຄຸ້ມຄອງຂອງຕົວເອງຈາກບ່ອນໜື່ງໄປຫາບ່ອນອື່ນ Uniform Waste Manifest ໃນລະບົບຕິດຕາມການຂົນສົ່ງສິ່ງເສດເຫຼືອ manifest system ຂອງ EMAC ປະກອບດ້ວຍ 4 ພາກສ່ວນຄື 1. ພາກສ່ວນທີ 1 : ຫົວເອກະສານ 1.1 ຊື່ເອກະສານ: ໃບຕິດຕາມການຂົນສົ່ງສິ່ງເສດເຫຼືອ / UNFORM WASTE MANIFEST 1.2 ສະຖານະໃບຕິດຕາມການຂົນສົ່ງ / MANIFEST STATUS: ໝາຍເຖິງສະຖານະປະຈຸບັນຂອງເອກະສານເຊິ່ງແຕ່ລະສະຖານະມີຄວາມໝາຍດັ່ງນີ້: Draft ໝາຍເຖິງ ກຳລັງລໍຖ້າການກວດກາຄວາມຖືກຕ້ອງ ແລະ ຄົບຖ້ວນຂອງເອກະສານ Requested ໝາຍເຖິງ ກວດກາຄວາມຖືກຕ້ອງແລ້ວ ແລະ ລໍຖ້າການຕອບຮັບການຂົນສົ່ງ ແລະ ບຳບັດ-ກໍາຈັດຈາກ WT ແລະ WD ທີ່ຖືກລະບຸໄວ້ໃນເອກະສານ Ready ໝາຍເຖິງ WT ແລະ WD ຕອບຮັບການຂົນສົ່ງ ແລະ ບຳບັດ-ກໍາຈັດແລ້ວ ລໍຖ້າເຮັດການຂົນສົ່ງ Processing ໝາຍເຖິງ WT ກຳລັງຂົນສົ່ງສິ່ງເສດເຫຼືອ Completed ໝາຍເຖິງ WD ກວດຮັບສິ່ງເສດເຫຼືອ ແລະ ຊັ່ງນ້ຳໜັກຮຽບຮ້ອຍແລ້ວ Certified ໝາຍເຖິງ ຜູ້ຕິດຕາມກວດກາ (Waste Regulator ຫຼື WR) ກໍ່ຄືໜ່ວຍງານພາກລັດໄດ້ຢັ້ງຢືນການຂົນສົ່ງ ແລະ ບັນທຶກຂໍ້ມູນລົງໃນລະບົບແລ້ວ 1.3 ປະເພດໃບຕິດຕາມການຂົນສົ່ງ / MANIFEST TYPE: ປະເພດໃບຕິດຕາມການຂົນສົ່ງມີຢູ່ 2 ປະເພດຄື: ໃບຕິດຕາມການຂົນສົ່ງສິ່ງເສດເຫຼືອເປັນພິດອັນຕະລາຍ ຈະສະແດງໃນເອກະສານເປັນ HAZARDOUS ແລະ ໃບຕິດຕາມການຂົນສົ່ງສິ່ງເສດເຫຼືອບໍ່ເປັນພິດອັນຕະລາຍ ຈະສະແດງໃນເອກະສານເປັນ NON- HAZARDOUS 1.4 ເລກທີໃບຕິດຕາມການຂົນສົ່ງ /  MANIFEST NO.: ເລກທີໃບຕິດຕາມການຂົນສົ່ງສິ່ງເສດເຫຼືອເປັນພິດອັນຕະລາຍ ແລະ ບໍ່ເປັນພິດອັນຕະລາຍຈະຂື້ນຕົ້ນດ້ວຍ H ແລະ N ຕາມລະດັບ, ປີໃນການຂົນສົ່ງ ແລະ ລຳດັບໃນການຂົນສົ່ງຂອງປີນັ້ນໆ 1.5 ວັນທີສ້າງໃບຕິດຕາມການຂົນສົ່ງ / REQUEST DATE: ໝາຍເຖິງ ວັນທີສ້າງໃບຕິດຕາມການຂົນສົ່ງໃນລະບົບ Manifest System 1.6 ວັນທີເຮັດການຂົນສົ່ງ / MANIFEST DATE: ໝາຍເຖິງ ວັນທີເລີ່ມເຮັດການຂົນສົ່ງ 2. ພາກສ່ວນທີ 2 : ສ່ວນຂອງຜູ້ສ້າງສິ່ງເສດເຫຼືອ / Waste Generator 2.1 ເລກປະຈຳຕົວຜູ້ຄອບຄອງສິ່ງເສດເຫຼືອ / EMC ID:  ໝາຍເຖິງເລກປະຈຳຕົວຢູ່ທີ່ກ່ຽວຂ້ອງກັບການຄຸ້ມຄອງ ປະກອບດ້ວຍຕົວເລກ ແລະ ຕົວອັກສອນ 13 ຫຼັກ ເຊິ່ງມີຄວາມໝາຍດັ່ງຕໍ່ໄປນີ້: ລຳດັບທີ 1-3: ອັກສອນພາສາອັງກິດ “EMC” ຫຍໍ້ມາຈາກ Environmental Management Academic center (EMAC) ລຳດັບທີ 4: ອັກສອນພາສາອັງກິດ “G” ຫຍໍ້ມາຈາກ Generator ລຳດັບທີ 5-6: ຕົວເລກ 2 ຕົວທ້າຍຂອງປີ ເຊັ່ນ: 23 ສຳລັບປີ 2023 ລຳດັບທີ 7-9: ຕົວເລກລະຫັດທີ່ຕັ້ງ ລຳດັບທີ 10-12: ເລກລຳດັບການຂື້ນທະບຽນນຳໃຊ້ໃນປີນັ້ນໆ ລຳດັບທີ 13: ລະຫັດສະເພາະສຳລັບຜູ້ປະກອບການພາຍໃນເຂດເສດຖະກິດພິເສດ ແລະ ເຂດເສດຖະກິດສະເພາະ 2.2 ຂໍ້ມູນຜູ້ສ້າງສິ່ງເສດເຫຼືອ: ປະກອບດ້ວຍຂໍ້ມູນຊື່ວິສາຫະກິດ, ທີ່ຕັ້ງ, ເບີໂທ ແລະ ອີເມວຕິດຕໍ່ 2.3 ລະຫັດສິ່ງເສດເຫຼືອ / Waste Code: ລະຫັດສິ່ງເສດເຫຼືອຕາມການຈັດແບ່ງຂອງສະຫະພາບເອີລົບ The European List of Wastes (LoW) 2.4 ລາຍລະອຽດສິ່ງເສດເຫຼືອ / Waste Description: ຊື່ຂອງສິ່ງເສດເຫຼືອ 2.5 ຈຳນວນ / Quantity: ຈຳນວນຄາດຄະເນສິ່ງເສດເຫຼືອທີ່ຈະເຮັດການຂົນສົ່ງອອກໄປບຳບັດ-ກຳຈັດພາຍນອກ ເຊັ່ນ: ຖັງ 20 ລິດຂື້ນໄປ ຈໍານວນ 30 ຖັງ, ຖັງຂີ້ເຫຍື້ອຈຳນວນ 6 ຖັງ 2.6 ປະເພດບັນຈຸ / Container type: ປະເພດພາຊະນະບັນຈຸສິ່ງເສດເຫຼືອ ເຊັ່ນ: ຖັງ 200 ລິດ, ຖັງແກລລອນຂະໜາດນ້ອຍ, ຖັງ 1,000 ລິດ, ກອງ ຫຼື ພາເລດ ແລະ ອື່ນໆ 2.7 ປະລິມານຄາດຄະເນ / Approximate weight: ປະລິມານຄາດຄະເນສິ່ງເສດເຫຼືອທີ່ຈະເຮັດການຂົນສົ່ງອອກໄປບຳບັດ-ກຳຈັດພາຍນອກ ຫົວໜ່ວຍເປັນ kg 2.8 ສະຖານະສິ່ງເສດເຫຼືອ / Type of waste: ສະຖານະຂອງສິ່ງເສດເຫຼືອ ຄື: ທາດແຂງ ແລະ ທາດແຫຼວ 2.9 ປະລິມານຄາດຄະເນລວມ / Total approximate weight ປະລິມານຄາດຄະເນສິ່ງເສດເຫຼືອລວມທັງໝົດທຸກລາຍການທີ່ຈະເຮັດການຂົນສົ່ງອອກໄປບຳບັດ-ກຳຈັດພາຍນອກ ຫົວໜ່ວຍເປັນ kg 2.10 ຂໍ້ມູນການຂົນສົ່ງສິ່ງເສດເຫຼືອໃຫ້ WT: ປະກອບດ້ວຍຊື່ ແລະ ນາມສະກຸນຂອງຜູ້ນຳໃຊ້ລະບົບ Manifest system ຂອງ WG, ວັນທີທີ່ສົ່ງມອບສິ່ງເສດເຫຼືອໃຫ້ WT ແລະ QR Code ຢັ້ງຢືນການສົ່ງມອບສິ່ງເສດເຫຼືອດັ່ງກ່າວ 3. ພາກສ່ວນທີ 3 : ສ່ວນຂອງຜູ້ຂົນສົ່ງສິ່ງເສດເຫຼືອ / Waste Transporter 3.1 ເລກປະຈຳຕົວຜູ້ຄອບຄອງສິ່ງເສດເຫຼືອ / EMC ID:  ໝາຍເຖິງເລກປະຈຳຕົວຢູ່ທີ່ກ່ຽວຂ້ອງກັບການຄຸ້ມຄອງ ປະກອບດ້ວຍຕົວເລກ ແລະ ຕົວອັກສອນ 13 ຫຼັກ ເຊິ່ງມີຄວາມໝາຍດັ່ງຕໍ່ໄປນີ້: ລຳດັບທີ 1-3: ອັກສອນພາສາອັງກິດ “EMC” ຫຍໍ້ມາຈາກ Environmental Management Academic center (EMAC) ລຳດັບທີ 4: ອັກສອນພາສາອັງກິດ “T” ຫຍໍ້ມາຈາກ Transporter ລຳດັບທີ 5-6: ຕົວເລກ 2 ຕົວທ້າຍຂອງປີ ເຊັ່ນ: 23 ສຳລັບປີ 2023 ລຳດັບທີ 7-9: ຕົວເລກລະຫັດທີ່ຕັ້ງ ລຳດັບທີ 10-12: ເລກລຳດັບການຂື້ນທະບຽນນຳໃຊ້ໃນປີນັ້ນໆ ລຳດັບທີ 13: ລະຫັດປະເພດຜູ້ຂົນສົ່ງສິ່ງເສດເຫຼືອ 3.2 ຂໍ້ມູນຜູ້ຂົນສົ່ງສິ່ງເສດເຫຼືອ: ປະກອບດ້ວຍຂໍ້ມູນຊື່ວິສາຫະກິດ, ທີ່ຕັ້ງ, ເບີໂທ ແລະ ອີເມວຕິດຕໍ່ 3.3 ປະເພດພາຫະນະ / Vehicle Type: ປະເພດພາຫະນະທີ່ນຳໃຊ້ເຂົ້າໃນການຂົນສົ່ງເຊັ່ນ: ລົດບັນທຸກ 6 ລໍ້, ລົດບັນທຸກ 10 ລໍ້ ແລະ ອື່ນໆ  3.4 ຊື່ຄົນຂັບ / Driver name: ຜູ້ເຮັດການຂົນສົ່ງສິ່ງເສດເຫຼືອ 3.5 ປ້າຍລົດ / License plate: ປ້າຍລົດທີ່ໃຊ້ໃນການຂົນສົ່ງ 3.6 Security seal: ເປັນເຄື່ອງມືສຳລັບລັອກຕູ້ຄອນເທນເນີ ຫຼື ລົດບັນທຸກ ເພື່ອເພີ່ມຄວາມປອດໄພ ແລະ ປ້ອງກັນການລັກຖີ້ມສິ່ງເສດເຫຼືອຊະຊາຍໃນລະຫວ່າງຂົນສົ່ງ ເຊີ່ງຈະມີລະຫັດຕົວເລກລະບຸໃນຊິວແຕ່ລະອັນ (ຖ້າມີ) 3.7 GPS Number: ເລກທີຂອງ GPS Tracker ອຸປະກອນສຳລັບຕິດຕັ້ງກັບພາຫະນະເພື່ອໃຊ້ຕິດຕາມຕຳແໜ່ງ ແລະ ການເຄື່ອນທີ່ (ຖ້າມີ) 3.8 ຂໍ້ມູນການຮັບສິ່ງເສດເຫຼືອຂອງ WT: ປະກອບດ້ວຍຊື່ ແລະ ນາມສະກຸນຂອງຜູ້ນຳໃຊ້ລະບົບ Manifest system ຂອງ WT, ວັນທີທີ່ຮັບສິ່ງເສດເຫຼືອຈາກ WG ແລະ QR Code ຢັ້ງຢືນການຮັບ ສິ່ງເສດເຫຼືອດັ່ງກ່າວ 4. ພາກສ່ວນທີ 4 : ສ່ວນຂອງຜູ້ບຳບັດ-ກຳຈັດສິ່ງເສດເຫຼືອ / Waste Disposal 4.1 ເລກປະຈຳຕົວຜູ້ຄອບຄອງສິ່ງເສດເຫຼືອ / EMC ID:  ໝາຍເຖິງເລກປະຈຳຕົວຢູ່ທີ່ກ່ຽວຂ້ອງກັບການຄຸ້ມຄອງ ປະກອບດ້ວຍຕົວເລກ ແລະ ຕົວອັກສອນ 13 ຫຼັກ ເຊິ່ງມີຄວາມໝາຍດັ່ງຕໍ່ໄປນີ້: ລຳດັບທີ 1-3: ອັກສອນພາສາອັງກິດ “EMC” ຫຍໍ້ມາຈາກ Environmental Management Academic center (EMAC) ລຳດັບທີ 4: ອັກສອນພາສາອັງກິດ “D” ຫຍໍ້ມາຈາກ Disposal ລຳດັບທີ 5-6: ຕົວເລກ 2 ຕົວທ້າຍຂອງປີ ເຊັ່ນ: 23 ສຳລັບປີ 2023 ລຳດັບທີ 7-9: ຕົວເລກລະຫັດທີ່ຕັ້ງ ລຳດັບທີ 10-12: ເລກລຳດັບການຂື້ນທະບຽນນຳໃຊ້ໃນປີນັ້ນໆ ລຳດັບທີ 13: ລະຫັດປະເພດຜູ້ບຳບັດ-ກຳຈັດສິ່ງເສດເຫຼືອ 4.2 ຂໍ້ມູນຜູ້ບຳບັດ-ກຳຈັດສິ່ງເສດເຫຼືອ: ປະກອບດ້ວຍຂໍ້ມູນຊື່ວິສາຫະກິດ, ທີ່ຕັ້ງ, ເບີໂທ ແລະ ອີເມວຕິດຕໍ່ 4.3 ລະຫັດສິ່ງເສດເຫຼືອ / Waste Code: ລະຫັດສິ່ງເສດເຫຼືອຕາມການຈັດແບ່ງຂອງສະຫະພາບເອີລົບ The European List of Wastes (LoW) 4.4 ລາຍລະອຽດສິ່ງເສດເຫຼືອ / Waste Description: ຊື່ຂອງສິ່ງເສດເຫຼືອ 4.5 ຈຳນວນ / Quantity: ຈຳນວນສິ່ງເສດເຫຼືອທີ່ຜູ້ບຳບັດ-ກຳຈັດສິ່ງເສດເຫຼືອຮັບຈາກ WT ເຊັ່ນ: ຖັງ 20 ລິດຂື້ນໄປ ຈໍານວນ 30 ຖັງ, ຖັງຂີ້ເຫຍື້ອຈຳນວນ 6 ຖັງ 4.6 ປະເພດບັນຈຸ / Container type: ປະເພດພາຊະນະບັນຈຸສິ່ງເສດເຫຼືອ ເຊັ່ນ: ຖັງ 200 ລິດ, ຖັງແກລລອນຂະໜາດນ້ອຍ, ຖັງ 1,000 ລິດ, ກອງ ຫຼື ພາເລດ ແລະ ອື່ນໆ 4.7 ນ້ຳໜັກ / Weight: ນ້ຳໜັກສິ່ງເສດເຫຼືອທີ່ຜູ້ບຳບັດ-ກຳຈັດສິ່ງເສດເຫຼືອຮັບຈາກ WT ຫົວໜ່ວຍເປັນ kg 4.8 ສະຖານະສິ່ງເສດເຫຼືອ / Type of waste: ສະຖານະຂອງສິ່ງເສດເຫຼືອ ຄື: ທາດແຂງ ແລະ ທາດແຫຼວ 4.9 ລະຫັດກຳຈັດ ແລະ ບຳບັດ / R&D Code: ລະຫັດບຳບັດ-ກຳຈັດ ທີ່ລະບຸໄວ້ໃນ ເອກະສານຊ້ອນທ້າຍທີ 3 ຂອງບົດແນະນຳກ່ຽວກັບການຄຸ້ມຄອງສິ່ງເສດເຫຼືອເປັນພິດ ແລະ ອັນຕະລາຍ ເລກທີ 0744/ກຊສ, ລົງວັນທີ 11 ກຸມພາ 2015 4.10 ນ້ຳໜັກລວມ / Total: ນ້ຳໜັກສິ່ງເສດເຫຼືອລວມທັງໝົດທຸກລາຍການທີ່ຜູ້ບຳບັດ-ກຳຈັດສິ່ງເສດເຫຼືອຮັບຈາກ WT ຫົວໜ່ວຍເປັນ kg 4.11 ຂໍ້ມູນການຮັບສິ່ງເສດເຫຼືອຈາກ WT: ປະກອບດ້ວຍຊື່ ແລະ ນາມສະກຸນຂອງຜູ້ນຳໃຊ້ລະບົບ Manifest system ຂອງ WD, ວັນທີທີ່ WD ຮັບສິ່ງເສດເຫຼືອຈາກ WT ແລະ QR Code ຢັ້ງຢືນການຮັບສິ່ງເສດເຫຼືອດັ່ງກ່າວ 5. ພາກສ່ວນທີ 5 : ສ່ວນຂອງຜູ້ຕິດຕາມກວດກາ / Waste Regulator 5.1 ເລກປະຈຳຕົວຜູ້ຄອບຄອງສິ່ງເສດເຫຼືອ / EMC ID:  ໝາຍເຖິງເລກປະຈຳຕົວຢູ່ທີ່ກ່ຽວຂ້ອງກັບການຄຸ້ມຄອງ ປະກອບດ້ວຍຕົວເລກ ແລະ ຕົວອັກສອນ 13 ຫຼັກ ເຊິ່ງມີຄວາມໝາຍດັ່ງຕໍ່ໄປນີ້: ລຳດັບທີ 1-3: ອັກສອນພາສາອັງກິດ “EMC” ຫຍໍ້ມາຈາກ Environmental Management Academic center (EMAC) ລຳດັບທີ 4: ອັກສອນພາສາອັງກິດ “R” ຫຍໍ້ມາຈາກ Regulator ລຳດັບທີ 5-6: ຕົວເລກ 2 ຕົວທ້າຍຂອງປີ ເຊັ່ນ: 23 ສຳລັບປີ 2023 ລຳດັບທີ 7-9: ຕົວເລກລະຫັດທີ່ຕັ້ງ ລຳດັບທີ 10-12: ເລກລຳດັບການຂື້ນທະບຽນນຳໃຊ້ໃນປີນັ້ນໆ ລຳດັບທີ 13: ລະຫັດປະເພດຜູ້ຕິດຕາມກວດກາຈາກໜ່ວຍງານພາກລັດຕ່າງໆ 5.2 ຂໍ້ມູນການຢັ້ງຢືນການຂົນສົ່ງຂອງ WR: ປະກອບດ້ວຍຊື່ ແລະ ນາມສະກຸນຂອງຜູ້ຕິດຕາມກວດກາ (WR) ໃນລະບົບ Manifest system, ວັນທີ ແລະ QR Code ຢັ້ງຢືນການຂົນສົ່ງ ແລະ ບັນທຶກຂໍ້ມູນລົງໃນລະບົບ 6. ພາກສ່ວນທີ 6 : ສ່ວນທ້າຍເອກະສານ  ທ້າຍເອກະສານຈະລະບຸຊື່ຂອງຜູ້ດາວໂຫລດເອກະສານຕິດຕາມການຂົນສົ່ງອອກມາຈາກລະບົບ Manifest system ຂອງ EMAC ແລະ ວັນທີ-ເວລາໃນການດາວໂຫລດເອກະສານດັ່ງກ່າວ. File ເອກະສານ ດາວໂຫລດ